ବଲାଙ୍ଗିର ,ପୂର୍ବ ଶତ୍ରୁତା କୁ କେନ୍ଦ୍ର କରି କିଛି ଯୁବକ ଆଉ ଜଣେ ଯୁବକକୁ ଗୋଡ଼ାଇ ଗୋଡ଼ାଇ ହତ୍ୟା କରିଛନ୍ତି । ଏଭଳି ଏକ ଘଟଣା ଘଟିଛି ଲୋଇସିଂହା ଥାନା ଅନ୍ତର୍ଗତ ଲୋଇସିଂହା ର ଜଡାମୁଣ୍ଡା ଗ୍ରାମରେ ହତ୍ୟାକାଣ୍ଡ ଘଟିଛି । ମୃତ ଯୁବକ ଜଣ ହେଲେ ରୂପକ ହନୁମାନ । ସୂଚନା ଅନୁସାରେ ଗତ ଶନିବାର ରାତି ପ୍ରାୟ ୯.୧୫ ସମୟରେ ଜଡାମୁଣ୍ଡା ଗ୍ରାମର ରୂପକ ହନୁମାନ (୨୬) ଙ୍କୁ ବାରମ୍ବାର କଲ ଆସିଥିଲା । ସେ ଘରୁ ବାହାରି ଯିବାର କିଛି ସମୟ ପରେ ତାଙ୍କୁ ମରଣାନ୍ତକ ଆକ୍ରମଣ କରାଯାଇଛି। ଏହି ଘଟଣା ଖବର ପାଇ ସ୍ଥାନୀୟ ଯୁବକ ମାନେ ତାଙ୍କ ବଡ଼ଭାଇ ଦୀପକ ହନୁମାନ ଙ୍କୁ ଫୋନ କରି କହିଥିଲେ। ଗୁରୁତ୍ତର ଅବସ୍ଥାରେ ତାଙ୍କୁ ପ୍ରଥମେ ଲୋଇସିଂହା ପ୍ରାଥମିକ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା। ତାଙ୍କର ସ୍ୱାସ୍ଥବସ୍ତା ଗୁରତର ହେବାରୁ ତାଙ୍କୁ ବଲାଙ୍ଗୀର ଭୀମଭୋଇ ମେଡିକାଲ କଲେଜରେ ଭର୍ତ୍ତି କରାଯାଇଥିଲା। ତେବେ ଭୀମଭୋଇ ମେଡିକାଲ ରେ ଚିକିତ୍ସାଧୀନ ଅବସ୍ଥା ରେ ତାଙ୍କର ମୃତ୍ୟୁ ଘଟିଥିବା ଜଣାପଡିଛି। ଏହି ଘଟଣାରେ ଉଜଲ ଜାଲ, ସତ୍ୟଜିତ ବାଗ, ବଡ଼ ବାରିକ , ସୁନ୍ଦର ସ୍ୱାଇଁ, ଦେବାନନ୍ଦ ତାଣ୍ଡି ପ୍ରମୁଖ ମିଶି ତାଙ୍କୁ ମରଣାନ୍ତକ ଆକ୍ରମଣ କରିଥିବା କହିଛନ୍ତି ତାଙ୍କ ବଡ଼ ଭାଇ ଦୀପକ। ଆକ୍ରମଣକାରୀ ମାନେ ଲୁହା ଛଡ଼ ରେ ତାଙ୍କ ହାତ , ଗୋଡ଼ , ମୁଣ୍ଡ ଏବଂ ଛାତି ରେ ମାଡ କରିଥିଲେ।ସାଙ୍ଗରେ ଥିବା ସରୋଜ ବିଶୀଙ୍କୁ ମଧ୍ୟ ମରଣାନ୍ତକ ଆକ୍ରମଣ ହୋଇଛି, ଗୁରୁତର ଅବସ୍ଥାରେ ତାଙ୍କୁ ବୁର୍ଲା ସ୍ଥାନାନ୍ତର କରାଯାଇଛି। ସୂଚନା ଅନୁଯାୟୀ ଏହା ପୂର୍ବରୁ ମଧ୍ୟ ତାଙ୍କୁ କିଛି ଯୁବକ ହତ୍ୟା ଧମକ ଦେଉଥିବା ତାଙ୍କ ବଡ଼ଭାଇ ଅଭିଯୋଗ କରିଥିଲେ। ଘଟଣାର ଖବର ପାଇ ଲୋଇସିଂହା ପୁଲିସ ଡ଼ାକ୍ତରଖାନାରେ ପହଞ୍ଚିଥିଲା। ପୁଲିସ ଉପସ୍ଥିତି ରେ ତାଙ୍କର ଶବ ବ୍ୟବଚ୍ଛେଦ କରାଯାଇଥିବା ଜଣାପଡିଛି। ଏନେଇ ପୁଲିସ ଏକ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି। ଏହି ଘଟଣା ପରେ ସ୍ଥାନୀୟ ଅଞ୍ଚଳରେ ଭୟର ବାତାବରଣ ସୃଷ୍ଟି କରିଛି।
