ଭୁବନେଶ୍ୱର, ଆମ ସଂସ୍କୃତିର ମହାନ କୃଷି ଭିତିକ ଆଦ୍ୟ ପର୍ବ ପବିତ୍ର ଅକ୍ଷୟ ତୃତୀୟା । ଏହି ଉପଲକ୍ଷେ ପ୍ରତିବର୍ଷ ଭଳି ଚଳିତ ବର୍ଷ ଓଡ଼ିଶା ପ୍ରଦେଶ କଂଗ୍ରେସ କମିଟି କୃଷକ ସେଲ ଆନୁକୂଲ୍ୟରେ ଆସନ୍ତା ୩ ତାରିଖ ପୂର୍ବାହ୍ନ ୯ ଘଟିକା ସମୟରେ ଯାଜପୁର ଜିଲ୍ଲାର ଧର୍ମଶାଳା ବ୍ଳକ ଅନ୍ତର୍ଗତ ଭୁବନଠାରେ ରାଜ୍ୟସ୍ତରୀୟ ଅକ୍ଷିମୁଠି ଅନୁକୂଳ ଓ କୃଷକ ଦିବସ ସମାରୋହ ଅନୁଷ୍ଠିତ ହେବ । ଏହି ଅବସରରେ ପାରମ୍ପରିକ ବିଧି ପ୍ରକାରେ ଭୂମିପୂଜା, କ୍ଷେତରେ ଅକ୍ଷିମୁଠି ଶୁଭାରମ୍ଭ, ଅଗ୍ରଣୀ ସଫଳ ଚାଷୀଙ୍କୁ ସମ୍ବର୍ଦ୍ଧନା ଓ କୃଷକ ସମାବେଶ ଆୟୋଜନ କରାଯାଉଛି । ଏହି ଉତ୍ସବରେ ଓଡ଼ିଶା ପ୍ରଦେଶ କିଷାନ କଂଗ୍ରେସ ଅଧ୍ୟକ୍ଷ ଅମୀୟ କୁମାର ପଟ୍ଟନାୟକ ମୁଖ୍ୟ ଅତିଥି ଏବଂ କଂଗ୍ରେସ ଓ କିଷାନ କଂଗ୍ରେସର ପ୍ରମୁଖ ନେତୃମଣ୍ଡଳୀ ଯୋଗ ଦେବେ ।
