ଜୟପୁର, ଅଟୋ ଓଲଟି ୮ଜଣ ଛାତ୍ରୀ ଆହତ ହୋଇଥିବା ବେଳେ ତନ୍ମଧ୍ୟରୁ ଜଣେ ଛାତ୍ରୀ ଗୁରୁତର ହୋଇ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତି ହୋଇଛନ୍ତି । ଅନ୍ୟ ୭ ଜଣ ପ୍ରାଥମିକ ଚିକିତ୍ସା ପରେ ଫେରିଛନ୍ତି । ଏପରି ଅଭାବନୀୟ ଘଟଣା ଘଟିଛି କୋରାପୁଟ ଜିଲ୍ଲା କୁନ୍ଦୁରା ଥାନା ଅନ୍ତର୍ଗତ କେରେମେଟିରେ ।
୮ ଜଣ ଛାତ୍ରୀ ଆଜି ମାଟ୍ରିକ ପରୀକ୍ଷା ଦେବା ପାଇଁ କେରେମେଟିରୁ କାଉଡ଼ିଆଗୁଡ଼ା ଆଶ୍ରମ ସ୍କୁଲ ଅଭିମୁଖେ ଏକ ଅଟୋରେ ଯାଉଥିବା ବେଳେ ବାଟରେ ଅଟୋଟି ଭାରସାମ୍ୟ ହରାଇବାରୁ ଦୁର୍ଘଟଣା ଘଟିଥିଲା । ହେଲେ ଜଣେ ଛାତ୍ରୀ ଗୁରୁତର ଥିବାରୁ ଆଜିର ପରୀକ୍ଷା ଦେବାରୁ ବଂଚିତ ହୋଇଛନ୍ତି ।
