ଗଞ୍ଜାମ, ଗଞ୍ଜାମ ଜିଲ୍ଲା କୋଦଳା ଥାନା ଅନ୍ତର୍ଗତ କୋଦଳା ମାଗୁରା ସାହିରେ ଜଣେ ବ୍ୟକ୍ତି ଘରେ କେହି ନଥିବା ବେଳେ ବେକରେ ରଶି ଲଗାଇ ଆତ୍ମହତ୍ୟା କରିଥିବା ଜଣାପଡିଛି । ମୃତ ବ୍ୟକ୍ତି ଜଣକ ହେଲେ ଅଭିମନ୍ୟୁ ମାଝି (୪୭) । ପରିବାରର ସମସ୍ତେ ମାଛ ବ୍ୟବସାୟ କରିବାକୁ ଯାଇଥିବା ବେଳେ ସେ ଏକାକୀ ଘରେ ଥିଲେ । ଏହି ସମୟରେ ମାନସିକ ଭାରସାମ୍ୟ ହରାଇ ଆତ୍ମହତ୍ୟା କରିଥିଲେ । ଖବର ପାଇ କୋଦଳା ପୋଲିସ ଘଟଣାସ୍ଥଳରେ ପହଂଚି ମୃତକଙ୍କ ଶବ ଜବତ କରିବା ସହ ଏ ସଂକ୍ରାନ୍ତରେ ୬/୨୨ ରେ ଏକ ଅପମୃତ୍ୟୁ ମାମଲା ରୁଜ୍ଜୁ କରି ଶବ ବ୍ୟବଚ୍ଛେଦ ପାଇଁ ଡାକ୍ତରଖାନାକୁ ପଠାଇଛି । ପାରିବାରିକ ଅଶାନ୍ତି କାରଣରୁ ଅଭିମନ୍ୟୁ ଆତ୍ମହତ୍ୟା କରିଥିବା ଜଣାପଡିଛି ।
