ଜୟପୁର, ଜୟପୁର ବନ ବିଭାଗ ରେଞ୍ଜ ତରଫରୁ ଚଢଉ କରାଯାଇ ଲକ୍ଷାଧିକ ଟଙ୍କାର କାଠ ଜବତ କରାଯାଇଛି । ଜୟପୁର ରେଞ୍ଜର ରଞ୍ଜିତା ନାୟକଙ୍କ ନେତୃତ୍ଵରେ ଫାମ୍ପୁଣି ନିକଟ କୁମୁଲିପୁଟରେ ରହୁଥିବା ଚିନ୍ତାମଣି ନାୟକଙ୍କ ଘରେ ଚଢଉ କରାଯାଇଥିଲା । ଚଢଉ ବେଳେ କବାଟ, ଆଲଣା, ଅର୍ଦ୍ଧ ନିର୍ମିତ କବାଟ, ଶାଳ ସାଇଜ, ବିଜା ପଟା, ଟିକ ପଟା ସହ ବାଢେଇ ଯନ୍ତ୍ରାଂଶକୁ ଜବତ କରାଯାଇଛି । ଜବତ କାଠର ମୂଲ୍ୟ ପାଖା ପାଖି ୬ ଲକ୍ଷ ଟଙ୍କା ହେବ ବୋଲି ଅନୁମାନ କରାଯାଇଛି । ଚିନ୍ତାମଣି ଫେରାର ଥିବା ବେଳେ ବନ ବିଭାଗ ମାମଲା ରୁଜୁ କରି ତଦନ୍ତ ଜାରି ରଖିଛି ।
ଚଢଉ ସମୟରେ ଫରେଷ୍ଟର ଅରୁଣ କୁମାର ଜେନା, ସୁଶିଳ ମହାନ୍ତି, ଗୌତମ ସ୍ଵାଇଁ, ଅଜୟ କୁମାର ଦାସ ପ୍ରମୁଖ ଉପସ୍ଥିତ ଥିଲେ । ଅଭିଯୁକ୍ତ ଚିନ୍ତାମଣି ନାୟକ ବାହେରେ ଥିବାରୁ ଫାମ୍ପୁଣି ସରପଞ୍ଚ ଶିବ ଭୁମିଆ ଓ ସ୍ଥାନୀୟ ଗ୍ରାମବାସୀ ଆସନ୍ତା ସୋମବାର ଅଭିଯୁକ୍ତ ଚିନ୍ତାମଣିକୁ ଧରି ବନ ବିଭାଗକୁ ହସ୍ତାନ୍ତର କରିବେ ବୋଲି ବନ ବିଭାଗକୁ ଲିଖିତ ଭାବେ ଜଣାଇ ଥିବା ବନ ବିଭାଗ ତରଫରୁ ସୂଚନା ଦିଆଯାଇଛି ।
