ପୁରୀ – ରାଜ୍ୟସ୍ତରୀୟ କ୍ୟାରମ୍ ପ୍ରତିଯୋଗିତା ସୁନ୍ଦରାଯାଗା କଲ୍ୟାଣ ମଣ୍ଡପ ଠାରେ ଉଦଘାଟିତ ହୋଇଯାଇଛି । ଏହାକୁ ପୂର୍ବତନ ବାଚସ୍ପତି ମହେଶ୍ୱର ମହାନ୍ତି ଆନୁଷ୍ଠାନିକ ଭାବେ ଉଦଘାଟନ କରିଥିଲେ । କ୍ୟାରେମ ବୋର୍ଡ଼ ଷ୍ଟ୍ରାଇକର ମାରି ଶୁଭାରମ୍ଭ କରିଥିଲେ । ସମ୍ମାନିତ ଅତିଥି ଭାବେ ଶିଳ୍ପପତି ଗିରିଶ ନାୟକ ଯୋଗ ଦେଇଥିଲେ । ଏହି ପ୍ରତିଯୋଗିତା ୩ଦିନ ଧରି ଚାଲିବ । ବିଭିନ୍ନ ବିଭାଗରେ କ୍ୟାରମ ପ୍ରତିଯୋଗୀମାନେ ଖେଳ ଆରମ୍ଭ କରିଥିଲେ ।
ଏହି ଅବସରରେ ସେଠାରେ ସୁନ୍ଦରାଯାଗାର ସଂପାଦକ ଅର୍ଜୁନ ନାୟକ, ଯୁଧିଷ୍ଠିର ମହାରଣା ପ୍ରମୁଖ ଉପସ୍ଥିତ ଥିଲେ । କ୍ୟାରମ୍ ଆସୋସିଏସନର ପ୍ରଭାତ ପଟ୍ଟନାୟକ ଓ ଏସ.କେ. ଅବଦୁଲ୍ଲା, ଚିଫ୍ ରେଫରୀ ଶ୍ରୀ ଓଝା କାର୍ଯ୍ୟକ୍ରମ ପରିଚାଳନା କରିଥିଲେ ।
