ବଲାଙ୍ଗୀର, ଆମ ଜଙ୍ଗଲ ଯୋଜନାରେ ଖପ୍ରାଖୋଲ ଗ୍ରାମପଞ୍ଚାୟତରେ ଗତ ୭ ରୁ ୧୪ ତାରିଖ ପର୍ଯ୍ୟନ୍ତ ଏକ ୧୦ ଦିନିଆ ଛତୁ ଉତ୍ପାଦନ ତାଲିମ କାର୍ଯ୍ୟକ୍ରମ ୩୫ ଜଣ ତାଲିମ ଗ୍ରହଣକାରୀ ମାନଙ୍କୁ ନେଇ ଅନୁଷ୍ଠିତ ହୋଇଯାଇଛି। ଷ୍ଟେଟ୍ ବ୍ୟାଙ୍କ ଗ୍ରାମୀଣ ଆତ୍ମ ନିଯୁକ୍ତି ପ୍ରଶିକ୍ଷଣ ପ୍ରତିଷ୍ଠାନ ବଲାଙ୍ଗିର ଦ୍ଵାରା ପି-ଏନ୍ ଜୀ ଓ ଦଳ ସଭ୍ଯ ମାନଙ୍କ ସହାୟତାରେ ଏହି ତାଲିମ୍ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ୧୭ ତାରିଖ ଦିନ ତାଲିମ ଗ୍ରହଣ କରିଥିବା ଶିକ୍ଷାର୍ଥୀ ମାନଙ୍କୁ ପରିକ୍ଷଣ କରାଯାଇ କର୍ଲାଖୁଣ୍ଟାର ୬ ଜଣ, କୁରୁଲୁମାଲର ୧ ଜଣ ଓ ଚାଉଳବାଞ୍ଝରୁ ୨ ଜଣଙ୍କୁ କୃତିତ୍ଵ ପ୍ରମାଣ ପତ୍ର ପ୍ରଦାନ କରାଯାଇଥିଲା। ଆଗକୁ ଆହୁରି ଗ୍ରାମୀଣ ସ୍ଵୟଂ ସହାୟକ ଦଳ ମାନଙ୍କୁ ଏଭଳି କାର୍ଯ୍ୟକ୍ରମରେ ସାମିଲ କରାଯିବ ଓ ଆତ୍ମ ନିର୍ଭର କରିବାକୁ ତାଲିମ କାର୍ଯ୍ୟକ୍ରମ ହେବ ବୋଲି ସୂଚନା ଦିଆଯାଇଛି।
