କନ୍ଧମାଳ , କନ୍ଧମାଳ ଜିଲ୍ଲା ସାରଙ୍ଗଡ ଥାନା ପୋଲିସ ପକ୍ଷରୁ ଆଜି ଏକ ସ୍ବେଚ୍ଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି। ଶିବିର କୁ ଡି. ଏସ. ପି ତଥା ପୋଲିସ ରକ୍ତଦାନ କାର୍ଯ୍ୟକ୍ରମ ର ନୋଡାଲ ଅଫିସର କୃଷ୍ଣପ୍ରସାଦ ପଟ୍ଟନାୟକ ଉଦଘାଟନ କରିଥିଲେ। ଏହି ଅବସରରେ କମାଣ୍ଡେଣ୍ଟ ସନ୍ତୋଷ କୁମାର ଦଣସେନା, ରକ୍ତଭଣ୍ଡାର ଅଧିକାରୀ ଡ. ଜୟଦୀପ ଘୋଷ, ଫୁଲବାଣୀ ରକ୍ତଦାନ ସମିତିର ସହ-ସମ୍ପାଦକ ତଥା ବିଶିଷ୍ଠ ରକ୍ତଦାତା ପ୍ରଶାନ୍ତ କୁମାର ବେହେରା ଓ ସାରଙ୍ଗଡ ଥାନା ଅଧିକାରୀ ବଧୁଲିକା ବିଶ୍ଵାଳ, ଏସ ଆଇ କୃଷ୍ଣଚନ୍ଦ୍ର ଗୌଡ ପ୍ରମୁଖ ଉପସ୍ଥିତ ଥିଲେ।ଏହି ଶିବିରରେ ମୋଟ ୫୧ ୟୁନିଟ୍ ରକ୍ତ ସଂଗ୍ରହ ହୋଇଥିଲା। ରକ୍ତ ସଂଗ୍ରହ କାର୍ଯ୍ୟ ରେ ରକ୍ତଭଣ୍ଡାର ର କର୍ମଚାରୀ ଦିନକୃଷ୍ଣ ମହନ୍ତ,ତୁଷାରକାନ୍ତ ପ୍ରଧାନ, ପ୍ରଶାନ୍ତ କୁମାର ରତ୍ନାଲୁ ଓ ବରୁଣ କୁମାର ବେହେରା ପ୍ରମୁଖ ସମ୍ପାଦନ କରିଥିଲେ। ଶିବିରରେ ସାରଙ୍ଗଡ ଥାନାର ସମସ୍ତ କର୍ମଚାରୀ ମାନଙ୍କ ସହିତ ସେହି ଅଂଚଳର ଅନେକ ଯୁବକ ଯୁବତୀ ମାନେ ସ୍ବେଚ୍ଛାକୃତ ଭାବେ ରକ୍ତଦାନ କରିଥିଲେ।
