ଘସିପୁରା, ଦନ୍ତାହାତୀ ଆକ୍ରମଣରେ ଦେଓଗାଁ ରେଞ୍ଜ ନାରଙ୍ଗପୁର ଗାଁର ଦୁଃଶାସନ ଜେନାଙ୍କ ମୃତ୍ୟୁ ଘଟିଛି । ଜାଳେଣି କାଠ ପାଇଁ ଗାଁ ନିକଟ ନୂଆବରିପାଳ ଜଙ୍ଗଲକୁ ଯାଇଥିବା ବେଳେ ଦଳି ଦେଲା ଦନ୍ତା । ସୂଚନା ଅନୁଯାୟୀ, ନାରଙ୍ଗପୁର ଗାଁର ଦୁଃଶାସନ ସକାଳୁ ଗାଁ ନିକଟସ୍ଥ ନୂଆ ବରିପାଳ ଜଙ୍ଗଲକୁ ଜାଳେଣି କାଠ ସଂଗ୍ରହ ପାଇଁ ଆସିଥିବା ବେଳେ, ହଠାତ୍ ହାତୀ ହାବୁଡ ରେ ପଡ଼ି ଯାଇଥିଲେ । ହାତୀ ଦୁଃଶାସନଙ୍କୁ ଶୁଣ୍ଢ ରେ ଉଠାଇ କଚାଡ଼ି ଦେଇଥିଲା। ଘଟଣାସ୍ଥଳରେ ହିଁ ଦୁଃଶାସନଙ୍କର ମୃତ୍ୟୁ ଘଟିଥିଲା । ଖବର ପାଇ ବନ ବିଭାଗ କର୍ମଚାରୀ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି । ମୃତକଙ୍କ ପରିବାରକୁ ସରକାରୀ ସହାୟତା ଯୋଗାଇ ଦେବାକୁ ଦାବି ହେଉଛି ।
