-
ଅଭିଯୁକ୍ତ ଟ୍ରକ୍ ଡ୍ରାଇଭର ଗିରଫ
ଘସିପୁରା, ନୂଆଗାଁ ଛକରେ ଗତକାଲି ଦୋକାନୀଙ୍କୁ ରଡ଼ରେ ପିଟି ପିଟି ହତ୍ୟା ଘଟଣାର ଅଭିଯୁକ୍ତ ଟ୍ରକ୍ ଡ୍ରାଇଭର ନରେନ୍ଦ୍ର ଜେନାକୁ ରାମଚନ୍ଦ୍ରପୁର ଥାନା ପୋଲିସ ଗିରଫ କରିଛି । ପୋଲିସ ତାକୁ ଯାଜପୁର ଜିଲ୍ଲା ଟମକା ଥାନା ଅନ୍ତର୍ଗତ ମାଙ୍କଡ଼ଧରା ଅଂଚଳରୁ ଗିରଫ କରିବାରେ ସଫଳ ହୋଇଛି ।
ପ୍ରକାଶ ଥାଉକି, ଗତକାଲି ଘଷିପୁରା ବ୍ଲକ୍ ଅନ୍ତର୍ଗତ ରାମଚନ୍ଦ୍ରପୁର ଥାନା ନିକଟବର୍ତୀ ନୂଆଗାଁ ନିକଟରେ ଅଭିଯୁକ୍ତ ଦୋକାନରେ ପଶି ଦୋକାନୀଙ୍କୁ ଆକ୍ରମଣ କରିଥିଲା । ଘଟଣାରେ ଦୋକାନୀ ଦିଲ୍ଲୀପ ବେହେରା ଗୁରୁତର ଆହତ ହୋଇଥିଲେ । ତାଙ୍କୁ ପ୍ରଥମେ ଆନନ୍ଦପୁର ଉପଖଣ୍ଡ ଚିକିତ୍ସାଳୟରେ ଭର୍ତି କରାଯାଇଥିଲା । ଡ଼ାକ୍ତରଙ୍କ ପରାମର୍ଶ କ୍ରମେ ତାଙ୍କୁ ଅଧିକ ଚିକିତ୍ସା ନିମନ୍ତେ କଟକ ବଡ ମେଡିକାଲକୁ ନିଆଯାଉଥିବା ବେଳେ ବାଟରେ ତାଙ୍କର ମୃତ୍ୟୁ ଘଟିଥିଲେ । ଅନ୍ୟପକ୍ଷରେ ଅଭିଯୁକ୍ତ ଟ୍ରକ୍ ଡ୍ରାଇଭର ଘଷିପୁରା ଥାନା ଶାଳପଡା ଅଂଳର ହୋଇଥିବା ଜଣାପଡିଛି ।
