ମାଲକାନଗିରି, ମଦ୍ୟପାନ କରି ଗାଡି ଚଳାଉଥିବା ୨ ଜଣ ଟ୍ରକ ଡ୍ରାଇଭରଙ୍କୁ ମହଙ୍ଗା ପଡିଛି । ଯାଞ୍ଚବେଳେ ସେମାନଙ୍କୁ ମାଲକାନଗିରି ସଦର ପୋଲିସ ଧରିବା ସହ ୨ଟି ଟ୍ରକ ଜବତ କରିଛି । ଉଭୟ ଟ୍ରକର ଡ୍ରାଇଭରଙ୍କୁ ଗିରଫ କରାଯାଇଛି ।
ଖବରରୁ ଜଣାପଡିଛି, ପୋଲିସ ଗାଡି ମୋଟର ଯାଞ୍ଚ କରୁଥିବା ବେଳେ ତେଲେଙ୍ଗାଣାରୁ ଆସୁଥିବା ଏକ ଟ୍ରକ ଅଟକାଇ ଯାଞ୍ଚ କରିଥିଲା । ତେବେ ଯାଞ୍ଚ ବେଳେ ଡ୍ରାଇଭର ମଦ୍ୟପାନ କରି ଗାଡି ଚଲାଉଥିବା ଜଣାପଡିବାରୁ ତାଙ୍କୁ ଗିରଫ କରାଯାଇଛି । ଗିରଫ ଡ୍ରାଇଭର ତେଲେଙ୍ଗାନା ରାଜ୍ୟର ଆନ୍ଦେମ ନାଗରାଜ ବୋଲି ଜଣାପଡିଛି । ସେହିପରି କାଲିମେଳା ବ୍ଲକ ପୋଟେରୁ ଅଞ୍ଚଳର ଜଣେ ଟ୍ରକ ଡ୍ରାଇଭର ମଧ୍ୟ ମଦ୍ୟପାନ କରି ଗାଡି ଚଳାଉଥବା ଯାଞ୍ଚ ସମୟରେ ଜଣାପଡିବାରୁ ତାଙ୍କୁ ଗିରଫ କରାଯାଇଛି । ଟ୍ରକ ଜବତ ହୋଇଛି । ଡ୍ରାଇଭର ଜଣକ ହେଲେ ପୋଟେରୁ ଗ୍ରାମର ଗୋବିନ୍ଦ ବାଲା । ଜବତ ଦୁଇଟି ଟ୍ରକ ନମ୍ବର ହେଲା ଟି.ଏସ୍.୦୫ ୟୁଡି ୭୮୬୮ ଏବଂ ଓଡି ୩୦ ଏ- ୯୨୯୯୮!
