-
ବେଲେଶ୍ଵର ନିକଟରୁ ମୃତଦେହ ଉଦ୍ଧାର
ପୁରୀ, ସମୁଦ୍ରରେ ଗାଧୋଇବା ବେଳେ ପୁଅ ସମ୍ମୁଖରେ ବାପା ଭାସିଯିବା ଘଟଣାରେ ନିଖୋଜ ବଂଶୀଧର ବେହେରା (୩୫)ଙ୍କ ମୃତଦେହ ଆଜି ସକାଳେ ପୁରୀ ଠାରୁ ୧୫ କି.ମି. ଦୂର ବେଲେଶ୍ଵର ମନ୍ଦିର ନିକଟ ସମୁଦ୍ର କୂଳରୁ ଚନ୍ଦ୍ରଭାଗା ସାମୁଦ୍ରିକ ଥାନା ପୋଲିସ ଉଦ୍ଧାର କରିଛି । ଏ ସଂକ୍ରାନ୍ତରେ ଥାନାରେ ଏକ ଅପମୃତ୍ୟୁ ମାମଲା ରୁଜ୍ଜୁ ହୋଇଛି । ଘଟଣାସ୍ଥଳରେ ଆଇଆଇସି ନିଳିମା ପଟ୍ଟନାୟକ ପହଂଚି ଶବ ଜବତ କରିଥିଲେ । ବ୍ୟବଚ୍ଛେଦ ପାଇଁ ମୃତଦେହକୁ ପୁରୀ ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଯାଇଛି । ନିଖୋଜ ବଂଶୀଧରଙ୍କ ଘର ବାଲେଶ୍ଵର ଜିଲ୍ଲା ସିଙ୍ଗଲା ଥାନା ଅନ୍ତର୍ଗତ ସଚିନା ଗ୍ରାମରେ ବୋଲି ଜଣାପଡିଛି । ଏଠାରେ ଉଲ୍ଲେଖଯୋଗ୍ୟ, ସେ ଗତକାଲି ସପରିବାରେ ପୁରୀ ଆସି ପୁଅର ମାନସିକ ଚୁଟି ପକାଇବା ସହ ସମୁଦ୍ରରେ ବୁଡ ପକାଉଥିବା ବେଳେ ଭାସିଯାଇ ନିଖୋଜ ଥିଲେ ।
