ସଫାଈ କର୍ମଚାରୀ ରାଷ୍ଟ୍ରୀୟ କମିଶନ ଅଧ୍ୟକ୍ଷ୍ୟ ଶ୍ରୀ ମନହର ଭାଲଜି ଭାଇ ଜାଲା ଆଜି ପୂର୍ବତଟ ରେଳପଥ ପରିଦର୍ଶନ କରି ରେଳପଥର ମହାପ୍ରବନ୍ଧକ ଶ୍ରୀ ବିଦ୍ୟା ଭୂଷଣଙ୍କ ସହିତ ରେଳପଥରେ କାର୍ଯ୍ୟରତ ଥିବା ସଫାଈ କର୍ମଚାରୀମାନଙ୍କ କାର୍ଯ୍ୟାବଳି ସହିତ ସେମାନଙ୍କର ବିଭିନ୍ନ ସମସ୍ୟା ସମ୍ବନ୍ଧରେ ସମୀକ୍ଷା କରିଥିଲେ I ଏହି ଅବସରରେ ରେଳବାଇ ବୋର୍ଡ କାର୍ଯ୍ୟନିର୍ବାହୀ ନିର୍ଦେଶକ (ଔଦ୍ୟୋଗିକ ସମ୍ପର୍କ) ଶ୍ରୀ ଆଲୋକ କୁମାରଙ୍କ ସହିତ ପୂର୍ବତଟ ରେଳପଥର ବରିଷ୍ଠ ଅଧିକାରୀମାନେ ସମୀକ୍ଷା ବୈଠକରେ ଭାଗନେଇଥିଲେ I
ରାଷ୍ଟ୍ରୀୟ ସଫାଈ କର୍ମଚାରୀ କମିଶନ ର ଅନ୍ୟ ସଦସ୍ୟ ମାନଙ୍କ ମଧ୍ୟରେ ଏହାର ସମ୍ପାଦକ ନରାଇନ ଦାସ, ପରାମର୍ଶଦାତା ଶ୍ରୀ ପୁରାଣ ସିଂହ, ସଚିବ ଶ୍ରୀ ମହେନ୍ଦ୍ର ପ୍ରତାପ ପ୍ରମୁଖ ମହାପ୍ରବନ୍ଧକ ଶ୍ରୀ ବିଦ୍ୟା ଭୂଷଣଙ୍କ ସହିତ ଆଲୋଚନାରେ ଭାଗନେଇଥିଲେ I ପୂର୍ବରୁ ଶ୍ରୀ ଜାଲା ପୂର୍ବତଟ ରେଳପଥ ସର୍ବ ଭାରତୀୟ ଓବିସି ସଂଘ ଓ ଅନୁସୂଚିତ ଜାତି ଓ ଜନଜାତି ସଂଘ ସହିତ ଆଲୋଚନା କରି ବିଭିନ୍ନ ସମସ୍ୟା ସମ୍ବନ୍ଧରେ ଆଲୋଚନା କରିଥିଲେ I
