ଶ୍ରୀରାମ ସୁନ୍ଦରକାଣ୍ଡ ସତସଙ୍ଗ ପରିବାର ମହାବିଶୁବ ସଂକ୍ରାନ୍ତି ପାଳନ

• ବିଶ୍ୱର କଲ୍ୟାଣ ଉଦେଶ୍ୟରେ ସାମୁହିକ ସୁନ୍ଦରକାଣ୍ଡ ପାଠ ଓ ହୋମଯଜ୍ଞ,

ପୁରୀ ,ଶାରଦା ଦେବୀ ରୋଡ଼ ସ୍ଥିତ ଶାରଦା ଗାର୍ଡେନ ପରିସରରେ ଶ୍ରୀରାମ ସୁନ୍ଦରକାଣ୍ଡ ସତସଙ୍ଗ ପରିବାର ତରଫରୁ ୧୩ ତମ ବାର୍ଷିକ ଉତ୍ସବ ସହିତ ମହାବିଶୁବ ସଂକ୍ରାନ୍ତି ପରମ୍ପରା ଅନୁଯାୟୀ ପାଳନ କରାଯାଇଛି |ଏହି ପବିତ୍ର ପଣା ସଂକ୍ରାନ୍ତି ଓ ମହାବୀର ଜୟନ୍ତୀ ଏବଂ ଓଡ଼ିଆ ନବବର୍ଷ ଅବସରରେ ମହାବୀରଙ୍କୁ ଦୁଗ୍ଧ ଅଭିଷେକ ଓ ହୋମଯଜ୍ଞ ବିଧିବଦ୍ଧ ଭାବେ ଅନୁଷ୍ଠିତ ହୋଇଯାଇଛି | ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ବଦ୍ରୀନାଥ ଧାମର ସନ୍ଥଶ୍ରୀ ୧୦୦୮ ମହା ମଣ୍ଡଳେଶ୍ୱର ବାଳକ ଯୋଗେଶ୍ୱର ଦାସଜୀ ମହାରାଜ ପଦାର୍ପଣ କରି ଶ୍ରଦ୍ଧାଳୁ ମାନଙ୍କୁ ଆଶୀର୍ବାଦ ପ୍ରଦାନ କରିଥିଲେ | ଏହି କାର୍ଯ୍ୟକ୍ରମରେ ବୈଦିକ ବ୍ରାହ୍ମଣ ପଣ୍ଡିତ ବଳରାମ ମିଶ୍ର ପୁରୋଧା କାର୍ଯ୍ୟ ତୁଲାଇଥିଲେ |ଶ୍ରୀରାମ ସୁନ୍ଦରକାଣ୍ଡ ସତସଙ୍ଗ ପରିବାର ସଦସ୍ୟ ମାନେ ଏକତ୍ରିତ ହୋଇ ନିଷ୍ଠାର ସହିତ ସୁନ୍ଦରକାଣ୍ଡ ପାଠ କରି ବିଶ୍ୱର କଲ୍ୟାଣ ଏବଂ ଗୋମାତା ଙ୍କ ସୁରକ୍ଷା ନିମନ୍ତେ ପ୍ରାର୍ଥନା କରିବା ସହିତ ପୂଜା କରିଥିଲେ |

ଏହି ପୂଜା କାର୍ଯ୍ୟ ବୈଦିକ ବ୍ରାହ୍ମଣ ମାନଙ୍କ ଦ୍ୱାରା ବୈଦିକ ଵିଧି ପୂର୍ବକ ଅନୁଷ୍ଠିତ ହୋଇଥିଲା | ଶ୍ରୀମନ୍ଦିରର ବରିଷ୍ଠ ସେବାୟତ ରଜତ କୁମାର ପ୍ରତିହାରୀ ଓ ଶ୍ରୀରାମ ସୁନ୍ଦରକାଣ୍ଡ ଚାରିଟେବୁଲ ଟ୍ରଷ୍ଟର ପ୍ରତିଷ୍ଠାତା ତଥା ସମ୍ପାଦକ ପଣ୍ଡିତ ବିଷ୍ଣୁ ଚରଣ ପଣ୍ଡାଙ୍କ ପ୍ରତ୍ୟେକ୍ଷ ତତ୍ୱାବଧାନରେ ଏହି ପୂଜା କାର୍ଯ୍ୟ ସମ୍ପୂର୍ଣ୍ଣ ହୋଇଥିଲା |