ଭୁବନେଶ୍ବର, ବାଚସ୍ପତି ସୂର୍ଯ୍ୟ ନାରାୟଣ ପାତ୍ରଙ୍କ ନେତୃତ୍ୱରେ ରାଜ୍ୟର ବିଧାୟକ ମାନେ ଶୁକ୍ରବାର ଦିନ ଚିଲିକା ଗସ୍ତରେ ଯାଇଛନ୍ତି । ସେମାନେ ସେଠାରେ କାଳିଜାଇ ଦର୍ଶନ କରିବା ସହ ନୌସେନାର ସମରାଭ୍ୟାସ ଦେଖିବେ ବୋଲି ଜଣା ପଡିଛି । ସେମାନେ ସଂଧ୍ୟାରେ ଭୁବନେଶ୍ବର ପ୍ରତ୍ୟାବର୍ତନ କରିବାର କାର୍ଯ୍ୟକ୍ରମ ରହିଛି ।
ବିଧାୟକ ମାନେ ଆଜି ସକାଳେ ବିଧାନସଭା ପରିସରରେ ପହଂଚିବା ପରେ ଚାରୋଟି ସ୍ୱତନ୍ତ୍ର ବସରେ ଚିଲିକା ଅଭିମୁଖେ ବାହାରିଛନ୍ତି । ସେମାନେ ଚିଲିକା ବୁଲିବା ସହିତ ସେଠାରେ ଥିବା ଭାରତୀୟ ନୌ ସେନାର ସ୍ୱତନ୍ତ୍ର ସମର କୌଶଳ ଦେଖିବେ । ପୂର୍ବରୁ ୨୦୨୦ ମସିହାରେ ମଧ୍ୟ ବିଧାୟକ ମାନେ ପାରାଦୀପ ବନ୍ଦରକୁ ଗସ୍ତରେ ଯାଇଥିଲେ ।
