ନୂଆପଡା – ନୂଆପଡା ଜିଲ୍ଲା ଖଡିଆଳ ବ୍ଲକ ମିଶନ ଗ୍ରାମ ସ୍ଥିତ ଉତ୍କଳ ଉଚ୍ଚ ପ୍ରାଥମିକ ବିଦ୍ୟାଳୟକୁ ଗାରିମା ଆୱାର୍ଡ-୨୦୧୯ ପ୍ରଦାନ କରାଯାଇଛି । ନୂଆପଡା ସଦର ମହକୁମା ସ୍ଥିତ ଜିଲ୍ଲାସ୍ତରୀୟ ସୁରଭି କାର୍ଯ୍ୟକ୍ରମରେ ଏହି ଆୱାର୍ଡ ପ୍ରଦାନ କରାଯାଇଥିବା ବେଳେ ଚଳିତ ବର୍ଷ ଅଗଷ୍ଟ ଓ ସେପ୍ଟେମ୍ବରରେ କରାଯାଇଥିବା ଛାତ୍ରଛାତ୍ରୀଙ୍କ ଶିକ୍ଷଣସ୍ତର ଅଭିବୃଦ୍ଧି ଦକ୍ଷତା ଆକଳନରେ ମିଶନ ଉତ୍କଳ ଉଚ୍ଚ ପ୍ରାଥମିକ ବିଦ୍ୟାଳୟ କୃତିତ୍ୱ ଲାଭ କରିଥିବାରୁ ରାଜ୍ୟ ଗଣଶିକ୍ଷା ବିଭାଗ ପକ୍ଷରୁ ବ୍ରୋଞ୍ଜ ସାର୍ଟିଫିକେଟ ଗାରିମା-୨୦୧୯ ପ୍ରଦାନ କରାଯାଇଥିବା ନେଇ ବିଦ୍ୟାଳୟର ପ୍ରଧାନ ଶିକ୍ଷକ ଯଶୋବନ୍ତ ନାରାୟନ ପଣ୍ଡା ପ୍ରକାଶ କରିଛନ୍ତି । ଉକ୍ତ ବିଦ୍ୟାଳୟ ସମେତ ଖଡିଆଳ ବ୍ଲକର ୯ ଗୋଟି ବିଦ୍ୟାଳୟ ଭୋଜପୁର, ଗୌନ୍ତିଆପଡା, ସାଗୁନଡୋଙ୍ଗରୀ, ବରପଦର, ମହୁଲକୋଟ, ଖଡିଆଳ ମାଣିକ୍ୟଦେବୀ, ଫୁଣ୍ଡାପଡା ଏବଂ ଭୂଲିଆସିକୁଆଁ ପ୍ରମୁଖ ଗ୍ରାମରେ ଥିବା ବିଦ୍ୟାଳୟ ମାନ ପୃରସ୍କୃତ ହୋଇଛନ୍ତି । ଖଡିଆଳ ବ୍ଲକ ସହ ନୂଆପଡା ବ୍ଲକର ଗୋଟିଏ, କୋମନା ବ୍ଲକର ୧୨ ଗୋଟି, ବୋଡେନ ବ୍ଲକର ୧୦ ଗୋଟି ଓ ସିନାପାଲି ବ୍ଲକର ୩ ଗୋଟି ବିଦ୍ୟାଳୟ ସର୍ବମୋଟ ୩୬ ଗୋଟି ବିଦ୍ୟାଳୟ ପୁରସ୍କୃତ ହୋଇଥିବା ସୂଚନା ମିଳିଛି ।
