ମାଲକାନଗିରି , ମାଲକାନଗିରି ଜିଲ୍ଲା ଚିତ୍ରକୋଣ୍ଡା ପୁଲିସକୁ ବଡ଼ ସଫଳତା ମିଳିଛି । ପୁଲିସ ଜଣେ ଆନ୍ତଃରାଜ୍ୟ ଗଞ୍ଜେଇ ମାଫିଆକୁ ହାଇଦ୍ରାବାଦରୁ ଗିରଫ କରିବାରେ ସଫଳ ହୋଇଛି । ଗତବର୍ଷ ଗଞ୍ଜେଇ ଚାଲାଣ ନେଇ ଚିତ୍ରକୋଣ୍ଡା ଥାନାରେ କେଶ୍ ନଂ – ୧୨୧ / ୨୧ ଅନୁଯାୟୀ ଏକ ମାମଲା ରୁଜୁ ହୋଇଥିଲା । ଏହି ମାମଲାରେ ପୁଲିସ ୧୫୦୧ କିଲୋ ଗଞ୍ଜେଇ ଜବତ କରିଥିଲା । କିନ୍ତୁ ଏହି ଗଞ୍ଜେଇ ଚାଲାଣ ମାମଲାରେ ସଂପୃକ୍ତ ଥିବା ଆନ୍ତଃରାଜ୍ୟ ଗଞ୍ଜେଇ ମାଫିଆ ଟି . ଶ୍ୟାମ ସୁନ୍ଦର ଘଟଣା ସ୍ଥଳରୁ ଫେରାର ହୋଇ ଯାଇଥିବା ବେଳେ ପୁଲିସ ତାକୁ ଗିରଫ କରିବା ପାଇଁ ପ୍ରୟାସ ଜାରି ରଖିଥିଲା । ଗଞ୍ଜେଇ ମାଫିଆ ଜଣକ ହାଇଦ୍ରାବାଦରେ ଲୁଚି ରହିଥିବା ଜାଣିବା ପରେ ଚିତ୍ରକୋଣ୍ଡା ପୁଲିସ ସହ ଏସଟିଏଫ୍ ପୁଲିସ ମିଳିତ ଚଢ଼ଉ କରି ତାକୁ ଗିରଫ କରିବାରେ ସଫଳ ହୋଇଥିଲେ । ଅଭିଯୁକ୍ତ ଟି . ଶ୍ୟାମ ସୁନ୍ଦରକୁ କୋର୍ଟ ଚାଲାଣ କରାଯାଇଥିବା ଜଣା ପଡ଼ିଛି ।
