କୋରେଇ – କୋରାଇ ଥାନା ଅନ୍ତର୍ଗତ ଫାଜଲପୁର,ସାଦକପୁର ଓ ଅଧଗାଁ ଆଦି ଚାରୋଟି ସ୍ଥାନରୁ ଗୋଟିଏ ରାତିରେ ଚୋରି ହୋଇଛି । ଏସବୁ ଚୋରି କୋରାଇ ଥାନା ଠାରୁ ମାତ୍ର ଅଳ୍ପ ଦୂରେ ହୋଇଛି । ଏନେଇ ଅଭିଯୋଗ ହୋଇଥିଲା ବେଳେ ପୁଲିସ ଘଟଣାସ୍ଥଳକୁ ଯାଇ ଅନୁସନ୍ଧାନ ଜରିଖିଛି । ପ୍ରକାଶଯେ, ଗତକାଲି ବିଳମ୍ବିତ ରାତିରେ କେହି ଦୁବୃର୍ତ ସାଦକପୁର ପଂଚାୟତର ଫାଜଲପୁର ଗାଁ ରାଧାକୃଷ୍ଣ ମନ୍ଦିର ତାଲାଭାଙ୍ଗି ୪ଟିଥାଳି, ହାତଘଂଟି, ପିଟାଘଂଟ ଓ ଠାକୁରଙ୍କ ବଂଶୀ ଚୋରି କରି ନେଇଛି । ଏହାବାଦ ଫାଜଲପର ନରେନ୍ଦ୍ର କୁମାର ସିଂହଙ୍କ ତେଜରାତି ଦୋକାନରୁ ମଧ୍ୟ ଚୋରି ହୋଇଛି । ଦୁର୍ବୃତମାନେ ଦୋକାନ କବାଟଭାଙ୍ଗା ତେଜରାତି ସାମଗ୍ରୀ ଓ ଦିତନତମାମ ବିକ୍ରହୋଇଥିବା ଟଙ୍କାକୁ ମଧ୍ୟ ଚୋରାଇ ନେଇଛନ୍ତି । ସେହିପରି ବାରଦା ଛକରେ ଖଦଳୀ ମହାରଣାଙ୍କ ଜଳଖିଆ ଦୋକାନରୁ ପିତଳ ଥାଳି, ବିକି୍ରଟଙ୍କା ସାଙ୍ଗକୁ ଅନ୍ୟ ଆସବାବ ପତ୍ର ଚୋରାଇ ନେଇଛନ୍ତି ଦୁବୃର୍ତ । ଏଥି ସହିତ ଅଧଗାଁ ଜୈନିକା ବୃଦ୍ଧାଙ୍କ ଘରେ ପଶି ଦୁବୃର୍ତମାନେ ସର୍ବସ୍ୱ ଲୁଟି ନେଇଛନ୍ତି । ଚୋରି ସଂପର୍କରେ ଅଭିଯୋଗ ପାଇଁ ପୁଲିସ ଘଟଣା ସ୍ଥଳକୁ ଯାଇ ଅନୁସନ୍ଧାନ କରିଥିଲେହେଁ ଚୋରି ଜିନିଷ କିମ୍ବା ଚୋରକୁ ଧରିବାରେ ସକ୍ଷମ ହୋଇ ପାରିନାହାଁନ୍ତି ।
