ଭୁବନେଶ୍ୱର – ମହାପ୍ରଭୁ ଶ୍ରୀ ଲିଙ୍ଗରାଜଙ୍କ ବହୁ ମୂଲ୍ୟବାନ ଜମି ହଡ଼ପ କରାଯାଇଛି । କିଏ ନାଲି ଆଖି ଦେଖାଇ କୋଠା ନିର୍ମାଣ କରିଛି ତ କିଏ ମାଡ଼ି ବସିôବା ଜମିକୁ ଚଂଚକତା କରି ଅନ୍ୟକୁ ବିକ୍ରି କରିଦେଲାଣି । ମନ୍ଦିର ପ୍ରଶାସନ ଏ ସବୁ ଜମି ଉଦ୍ଧାର ପାଇଁ ନାକେଦମ ହୋଇଥିବା ବେଳେ ବର୍ଷ ବର୍ଷ ଧରି କୋର୍ଟ କଚୋରୀରେ ମାମଲା ଝୁଲି ରହୁଛି ଏବଂ ସେବାୟତମାନଙ୍କ ମଧ୍ୟରେ ଅନ୍ତଦ୍ୱର୍ନ୍ଦ ବଢ଼ି ଠାକୁର ରହିଥିବା ସମ୍ପତିର ସ୍ଥିତାବସ୍ଥାକୁ ନେଇ ଉଠିଛି ପ୍ରଶ୍ନ । ଭକ୍ତ ଓ ଶ୍ରଦ୍ଧାଳୁମାନଙ୍କ ମଧ୍ୟରେ ଏହାକୁ ନେଇ ବ୍ୟାପକ ଚର୍ଚ୍ଚା ହେବା ପରେ ମହାପ୍ରଭୁଙ୍କ ମୂଲ୍ୟବାନ ସମ୍ପତିକୁ ଉଦ୍ଧାର କରି ମନ୍ଦିର ବିକାଶ କାମରେ ବ୍ୟବହାର ହେଉ ଏବଂ ଉଦ୍ଧାର ଜମି ଚାରିପଟେ ବାଡ଼ ନିର୍ମାଣ କରାଯାଉ ବୋଲି ଜାତୀୟ ଯୁବ ପୁରସ୍କାରପ୍ରାପ୍ତ ସାମାଜିକ କର୍ମୀ ସୁଶାନ୍ତ ସାହୁ ମନ୍ଦିର ପ୍ରଶାସନର ଦୃଷ୍ଟି ଆକର୍ଷଣ କରିଛନ୍ତି ।
ଶ୍ରୀ ସାହୁ ଲିଙ୍ଗରାଜ ମନ୍ଦିର ପ୍ରଶାସନର କାର୍ଯ୍ୟନିର୍ବାହୀ ଅଧିକାରୀ ପ୍ରଦୀପ କୁମାର ସାହୁଙ୍କୁ ପତ୍ର ମାଧ୍ୟମରେ ବିଭିନ୍ନ ଗଠନମୂଳକ ପରାମର୍ଶ ଦେଇଥିବା ଜଣାଯାଇଛି । ମହାପ୍ରଭୁଙ୍କ ସମସ୍ତ ସ୍ଥାବର ଓ ଅସ୍ଥାବର ସମ୍ପତିର ଚିହ୍ନଟ ଓ ତଥ୍ୟାୟନ ହେବା ସହ ସର୍ବସାଧାରଣଙ୍କ ସୂଚନାର୍ଥେ ପ୍ରକାଶ କରାଯିବାକୁ ସେ ନିବେଦନ କରିଛନ୍ତି । ସେହିପରି ଲିଙ୍ଗରାଜ ମହାପ୍ରଭୁଙ୍କ ଜବରଦଖଲ କରାଯାଇଥିବା ଜମିରେ ପୁଷ୍ପ ଉଦ୍ୟାନ, ଗୋଶାଳା, ଯାତ୍ରୀ ନିବାସ, ସଂଗ୍ରହାଳୟ, ଶୈବଶାକ୍ତ ଗବେଷଣା କେନ୍ଦ୍ର, ପାଠାଗାର, କୋରାଖଇର ଶିଳ୍ପ, ଗରୀବଙ୍କ ପାଇଁ ସୁପର ସ୍ପେଶାଲିଷ୍ଟ ହସ୍ପିଟାଲ, କିଣ୍ଡରଗାର୍ଡ଼େନରୁ ପୋଷ୍ଟ ଗ୍ରାଜୁଏଟ ପର୍ଯ୍ୟନ୍ତ ଶିକ୍ଷାନୁଷ୍ଠାନ, ବ୍ୟାୟାମଶାଳା, ଯୋଗକେନ୍ଦ୍ର, ବାତ୍ୟା ଆଶ୍ରୟସ୍ଥଳୀ ଆଦି ଉନ୍ନୟନ ପ୍ରକଳ୍ପ ନିର୍ମାଣ କରାଗଲେ ସାଧାରଣ ଜନତା ଓ ମନ୍ଦିର ବିକାଶ ସମ୍ଭବ ହୋଇପାରନ୍ତା ବୋଲି ଶ୍ରୀ ସାହୁ ମତ ରଖିଛନ୍ତି ।
