ଅଙ୍ଗନବାଡି କେନ୍ଦ୍ରରେ ଅଘଟଣ

• ମହୁମାଛି ଆକ୍ରମଣରେ ୮ ଶିଶୁ ସମେତ ୧୦ ଗୁରୁତର

ବୌଦ୍ଧ,ଅଙ୍ଗନବାଡି କେନ୍ଦ୍ରରେ ଘଟିଛି ଅଘଟଣ । ମହୁମାଛି ଆକ୍ରମଣରେ ୮ ଶିଶୁ ସମେତ ୧୦ ଜଣ ଗୁରୁତର ହୋଇଛନ୍ତି । ଘଟଣା ଘଟିଛି ବୌଦ୍ଧ ଜିଲ୍ଲା କଂଟାମାଳ ବ୍ଲକ ଦପଲା ଗ୍ରାମପଂଚାୟତର ବଉଳସିଂହା ଅଙ୍ଗନବାଡି କେନ୍ଦ୍ରରେ । ଆଜି ସକାଳ ୯ଟା ସମୟରେ ଘଟିଛି ଏହି ଅଘଟଣ । କୌଣସି ଏକ କାରଣରୁ ଅଙ୍ଗନବାଡି କେନ୍ଦ୍ର ପରିସରରେ ଥିବା ଏକ ଗଛ ଉପରେ ବସା କରିଥିବା ମହୁମାଛି ବସାରୁ ବାହାରି ଏହି ଆକ୍ରମଣ କରିଛନ୍ତି । ମହୁମାଛିଙ୍କ ଆକ୍ରମଣରେ କେନ୍ଦ୍ରର ୮ ଶିଶୁ, ଅଙ୍ଗନବାଡି କର୍ମୀ ଏବଂ ସହାୟିକା ଗୁରୁତର ଆହତ ହୋଇଛନ୍ତି । ସମସ୍ତ ଗୁରୁତରମାନଙ୍କୁ ସୋନପୁର ଡାକ୍ତରଖାନାରେ ଭର୍ତି କରାଯାଇଛି । ତେବେ ଧୁଆଁ କିମ୍ବା କେହି ପଥର ମାରିଦେଇଥିବାରୁ ମହୁମାଛି ଆକ୍ରମଣ କରିଥିବାନେଇ ଗ୍ରାମବାସୀ କହିବା ସହ ଆଜି ବିଦ୍ୟାଳୟରେ ୧୫ରୁ ଅଧିକ ଶିଶୁଥିବା କହିଛନ୍ତି ।