-
ସ୍ଥାପନାର ୪୨ ବର୍ଷ ପୂର୍ତି ଅବସରରେ ୧୫ ଦିନ ଧରି ଚାଲିବ କାର୍ଯ୍ୟକ୍ରମ – ଅରୁଣ ସିଂହ
ନୂଆଦିଲ୍ଲୀ, ଭାରତୀୟ ଜନତା ପାର୍ଟି ଆାଜି (୬ ଏପ୍ରିଲ) ନିଜର ୪୨ ତମ ସ୍ଥାପନା ଦିବସ ପାଳନ କରିବ । ଦିନ ଦଶଟାରେ ଭର୍ଚୁଆଲ ମାଧ୍ୟମରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସାରା ଦେଶର କାର୍ଯକର୍ତା ମାନଙ୍କୁ ଉଦବୋଧନ ଦେବେ । ଏହି ଅବସରରେ ୧୫ ଦିନ ଧରି ପାର୍ଟି ବିଭିନ୍ନ କାର୍ଯ୍ୟକ୍ରମ ମାନ ଆୟୋଜିତ କରିବ । ମଙ୍ଗଳବାର ପାର୍ଟୀ କାର୍ଯାଳୟରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ପାର୍ଟିର ରାଷ୍ଟ୍ରୀୟ ସାଧାରଣ ସମ୍ପାଦକ ଅରୁଣ ସିଂହ ଏହି ସୂଚନା ଦେଇଛନ୍ତି ।
୪୨ ତମ ସ୍ଥାପନା ଦିବସ ଉପଲକ୍ଷେ ବିଜେପିର ରାଷ୍ଟ୍ରୀୟ ସଭାପତି ଜେପି ନଡ୍ଡା ବିଜେପି ମୁଖ୍ୟାଳୟରେ ଧ୍ୱଜାରୋହଣ କରିବେ ଓ ଡ. ଶ୍ୟାମା ପ୍ରସାଦ ମୁଖାର୍ଜୀ ଓ ପଣ୍ଡିତ ଦୀନଦୟାଲ ଉପାଧ୍ୟାୟଙ୍କ ପ୍ରତିମୂର୍ତିରେ ମାଲ୍ୟାର୍ପଣ କରିବେ । ଏହା ପରେ ସେ ଏକ ରକ୍ତଦାନ ଶିବିର କାର୍ଯକ୍ରମକୁ ଉଦଘାଟନ କରିବେ ।
ଏହି ଅବସରରେ ସାମାଜିକ ନ୍ୟାୟ ପକ୍ଷ ଭାବେ କେନ୍ଦ୍ର ସରକାରଙ୍କ ଜନ କଲ୍ୟାଣକାରୀ ଯୋଜନା ଗୁଡିକୁ ଜିଲ୍ଲା ଓ ବ୍ଲକ ସ୍ତରକୁ ନେବାର କାମ ବିଜେପି କାର୍ଯ୍ୟକର୍ତା ମାନେ କରିବୋ ବୋଲି ସେ ସେ ସୂଚନା ଦେଇଛନ୍ତି ।
