ପୁରୀ,ଚୈତ୍ର ଶୁକ୍ଳ ତୃତୀୟା ତିଥିରେ ଆଜି ଅପରାହ୍ନରେ ଶ୍ରୀମନ୍ଦିରରେ ଶ୍ରୀବିଗ୍ରହ ମାନଙ୍କର ଖସାପଡା ନୀତି ଅନୁଷ୍ଠିତ ହେବ । ଏହା ଶ୍ରୀଜୀଉଙ୍କ ଏକ ଗୁପ୍ତ ନୀତି । ଏଥିପାଇଁ ଅପରାହ୍ନ ୪ଟାରୁ ରାତି ୮ଟା ପର୍ଯ୍ୟନ୍ତ ୪ ଘଂଟା ଧରି ଭକ୍ତ ଦର୍ଶନ ବନ୍ଦ ରହିବ । ଦଇତାପତି ସେବକ ମାନେ ଶ୍ରୀଜୀଉଙ୍କ ଏହି ଗୁପ୍ତ ନୀତି ସମ୍ପାଦନ କରିବେ । ରବିବାର ଦିନ ଦେଉଳ କରଣ ସେବକ ଧଳାକନା ଧୋଇ ଶୁଖାଇ ଶ୍ରୀମନ୍ଦିର ଗାରଦରେ ଜମା ଦେଇଥିଲେ । ଶୁଦ୍ଧ ସୁଆର ସେବକ ମାନେ ଖଳି ଓ କଇଁଥ ଅଠା ଯୋଗାଇଥିଲେ । ମଧ୍ୟାହ୍ନ ଧୂପ ପରେ ଜୟ ବିଜୟ ଦ୍ଵାର ବନ୍ଦ ହେବ । ବେହରଣ ଦ୍ୱାର ଦେଇ ଦଇତାପତି ସେବାୟତ ମାନେ ଗର୍ଭଗୃହ ମଧ୍ୟକୁ ପ୍ରବେଶ କରିବେ । ପରେ ରତ୍ନ ସିଂହାସନ ଉପରେ ମହାପ୍ରଭୁଙ୍କ ଏହି ଗୁପ୍ତ ନୀତି ସମ୍ପନ୍ନ କରିବେ ।
