ମାଲକାନଗିରି, ମାଲକାନଗିରି ଜିଲ୍ଲାର ବିଭିନ୍ନ ସ୍ଥାନରୁ ଗତ କିଛିଦିନ ହେବ ମୋଟରସାଇକେଲ ଚୋରି ହେବାରେ ଲାଗିଛି । ଗତ ୨୨ ତାରିଖ ଦିନ ମାଲକାନଗିରି ସଦର ବାଲିମେଳା ଛକର ଏମ୍ . ଚନ୍ଦ୍ର ରାଓ ନାମକ ବ୍ୟକ୍ତିଙ୍କ ୟାମାହା ଫାସିନ ଗାଡି ଚୋରି ହୋଇଥିଲା । ସେ ମାଲକାନଗିରି ଥାନାରେ ଅଭିଯୋଗ କରିଥିଲେ। ଅଭିଯୋଗକୁ ଭିତ୍ତିକରି ମାଲକାନଗିରି ପୁଲିସ ତଦନ୍ତ ଆରମ୍ଭ କରିଥିଲା। ତଦନ୍ତ ବେଳେ ୫ଟି ମୋଟର ସାଇକେଲ ଜବତ ହୋଇଛି । ଏଥିରେ ସମ୍ପୃକ୍ତ ଚାରି ଜଣଙ୍କୁ ଗିରଫ କରାଯାଇଛି । ଗିରଫ ବ୍ୟକ୍ତିମାନଙ୍କ ମଧ୍ୟରୁ ମାଲକାନଗିରି ଜିଲା ପେଦାବାଡା ସଦର ପଞ୍ଚାୟତର ଫୁଲଧର ଖିଲ, କୋରାପୁଟ ଜିଲା ଦୋରାଗୁଡା ପଞ୍ଚାୟତ ବାନୁଆଗୁଡା ଗ୍ରାମର ଡମ୍ବରୁ ମୁଜିଆ, କୁନ୍ଦୁରା ଥାନା କୁସୁମଗୁଡା ଗ୍ରାମର ମଙ୍ଗଳୁ ଜାନି ଓ କାର୍ତ୍ତିକ ବିଶୋଇ ବୋଲି ମାଲକାନଗିରି ଥାନା ଅଧିକାରୀ ରିଗାନ୍ କିଣ୍ଡୋ ସୂଚନା ଦେଇଛନ୍ତି । ମାଲକାନଗିରି ଜିଲାର କାଲିମେଳା, ବାଲିମେଳା ଓ ମାଲକାନଗିରିରୁ ଏହି ପାଞ୍ଚଟି ମୋଟର ସାଇକେଲ ଜବତ କରାଯାଇଛି।
