ଜଟଣୀ- ଜଟଣୀ ନିକଟସ୍ଥ ଜାଭିୟର ବିଶ୍ୱ ବିଦ୍ୟାଳୟ ଭୁବନେଶ୍ୱର ଠାରେ ସହରୀ ବ୍ୟବସ୍ଥା ପରିଚାଳନା ସମ୍ପର୍କିତ ଦୁଇଦିନିଆ କର୍ମଶାଳା ଆଜି ଉଦ୍ଘାଟିତ ହୋଇଯାଇଛି । ଏହାକୁ ଜାଭିୟର ସ୍କୁଲ୍ ଅପ୍ ହିୟୁମ୍ୟାନ୍ ସେଟେଲ୍ ମେଂଟ୍ ଏବଂ ୟୁଏନ୍ ହାବିଟାଟସ୍ ପକ୍ଷରୁ ମିଳିତ ଭାବେ ଆୟୋଜିତ ହୋଇଥିବା ବେଳେ ଜାଭିୟର୍ ଡିନ୍ ଡ. କଜରୀ ମିଶ୍ର ଅତିଥିଭାବେ ଯୋଗଦେଇ ଉଦ୍ଘାଟନ କରିଥିଲେ । ପ୍ରଥମତଃ ଛାତ୍ରଛାତ୍ରୀ ମାନଙ୍କ ମଧ୍ୟରେ ଫଟୋ ପ୍ରତିଯୋଗିତା ଏବଂ କୁଇଜ୍ ପ୍ରତିଯୋଗିତା ସହିତ ନୃତ୍ୟ ଗୀତ ପରିବେଷଣ ହୋଇଥିଲା । ଏହି ପ୍ରତିଯୋଗିତା ସହିତ ସହରୀକରଣରେ ଏହାର ପରିବେଷ ଓ ଆବଶକୀୟ ବ୍ୟବସ୍ଥାର ସୁପରିଚାଳନା ନେଇ ବିଭିନ୍ନ ଦିଗ ଉପରେ ଆଲୋଚନା କରାଯାଇଥିଲା । ସହରର ବିଭିନ୍ନ ସମସ୍ୟା ଆଗାମୀ ପିଢ଼ିପାଇଁ ରହିଥିବା ଆହ୍ୱାନକୁ ମୁକାବିଲ୍ଲା କରିବା ନିମନ୍ତେ ସୁଚିନ୍ତିତ ଯୋଜନା ପ୍ରସ୍ତୁତ କରିବା ନେଇ ଅଂଶଗ୍ରହଣକାରୀ ମାନଙ୍କ ମଧ୍ୟରେ ମତପ୍ରକାଶ ପାଇଥିଲା । ଏହି କାର୍ଯ୍ୟକ୍ରମକୁ ସୈାରଭ ସେନାପତି ପରିଚାଳନା କରିଥିବା ବେଳେ ଓଡ଼ିଶା ବିଭିନ୍ନ ବୈଷୟିକ ଶିକ୍ଷାନୁÂାନର ପ୍ରତିନିଧି ମାନେ ଯୋଗ ଦେଇଥିବା ନେଇ ଅବନି ଝା ଏବଂ ଅଙ୍କିତା ଭରଦ୍ୱାଜ ସୂଚନା ଦେଇଛନ୍ତି ।
