ବାରିପଦା, ଟ୍ରେଡ଼ ୟୁନିଅନ ପକ୍ଷରୁ ୧୨ ଦଫା ଦାବି ଆଜି ଠାରୁ ଦେଶ ବ୍ୟାପୀ ଦୁଇ ଦିନିଆ ବନ୍ଦ ଡ଼ାକରା ଦିଆଯାଇଛି । ତେବେ ମୟୂରଭଞ୍ଜ ଜିଲାରେ ବନ୍ଦ ର ମିଶ୍ରିତ ପ୍ରଭାବ ଦେଖିବାକୁ ମିଳିଛି । ଜିଲ୍ଲାର ବିଭିନ୍ନ ଜାତୀୟ ରାଜପଥରେ ଯାନବାହନ ଚଳାଚଳ ବନ୍ଦ ରହିଛି । ମାଲ୍ ଓ ଯାତ୍ରୀ ପରିବହନ ସେବା ବାଧାପ୍ରାପ୍ତ ହୋଇଛି । ବ୍ୟାଙ୍କ, ଡ଼ାକଘର, ବୀମା କାର୍ଯ୍ୟାଳୟ, ବଡ ବଡ ବ୍ୟବସାୟ ପ୍ରତିଷ୍ଠାନ ବନ୍ଦ ରହିଛି । ରାଜ୍ୟ ସରକାରଙ୍କ ସମସ୍ତ କାର୍ଯ୍ୟାଳୟ ଯଥା ଜିଲ୍ଲାପାଳଙ୍କ କାର୍ଯ୍ୟାଳୟ, ମ୍ୟୁନିସିପାଲଟି ଅଫିସ, ବ୍ଲକ କାର୍ଯ୍ୟାଳୟ ଆଜି ଖୋଲା ରହିଥିବା ବେଳେ କର୍ମଚାରୀଙ୍କ ଉପସ୍ଥାନ ଅପେକ୍ଷାକୃତ କମ୍ ରହିଛି । କେତେକ ସ୍ଥାନରେ ଦୋକାନ ବଜାର ବନ୍ଦ ରହିଥିବା ବେଳେ ଅନ୍ୟ କେତେକ ସ୍ଥାନରେ ଦୋକାନ ବଜାର ଖୋଲା ରହିଛି । ଜରୁରୀକାଳୀନ ସେବା ସ୍ୱାଭାବିକ୍ ରହିଛି ।
