ମାଲକାନଗିରି – ମାଲକାନଗିରି ଥାନା କେସ୍ ନଂ ୨0୨/୧ ୯ ରେ ହୋଇଥିବା ଏକ ବାଇକ୍ ଚୋରି ମାମଲାର ତଦନ୍ତ କରୁଥିବା ଏସଆଇ ଆର.ଏ ମ ମୁଦୁଲି, ଏଏସଆଇ ଏମ.ବିଡ଼ିକା ଜିଲ୍ଲାର ବିଭିନ୍ନ ଥାନା ଅଂଚଳରୁ ବାଇକ୍ ଚୋରି କରୁଥିବା ମାଲକାନଗିରି ଥାନା ପେଦାବାଡା ଗ୍ରାମର ଫୁଲଧର ଖିଲ ଓ ବନ୍ଧଗୁଡାର ଦାମୋଦର ହନ୍ତାଳଙ୍କୁ ଗିରଫ କରିଛନ୍ତି । ସେମାନଙ୍କ ଠାରୁ ଚୋରି ହୋଇଥିବା ଦଶଟି ବାଇକ୍ ଜବତ ହୋଇଛି । ଏହି ଚୋରି ଗାଡି କିଣିଥିବା ୭ ଜଣଙ୍କୁ ମଧ୍ୟ ଗିରଫ କରାଯାଇଥିବା ସାମ୍ବାଦିକ ସମ୍ମିଳନୀରେ ଏସପି ଋଷିକେଶ ଖୀଲାରି ସୂଚନା ଦେଇଛନ୍ତି । ଚୋରା ଗାଡି କିଣିଥିବା ଲୋକ ମାନେ ହେଲେ ସିନ୍ଧିଗୁଡା ଗ୍ରାମର ଦୁର୍ଯ୍ୟୋଧନ ବିଶୋଇ, ଆଲମପଡାର ଡ଼ମ୍ବୁରୁ ପୁଟିଆ, ପେଦା ବାଡାର ସାନା ଖୀଲ, କାଦଗୁଡ଼ାର ପରସ ବ୍ରଜ, ବୁଦୁ ବ୍ରଜ, ରାମଚନ୍ଦ୍ର ବିଶୋଇ ଓ ଡଙ୍ଗାରଗୁଡ଼ାର ଜଗତରାମ ଖିଲ । ଆଜି ଅପରାହ୍ନ ରେ ଗିରଫ ୯ ଜଣଙ୍କୁ କୋର୍ଟ ଚାଲାଣ କରାଯାଇଛି ।
