-
ନିର୍ବାଚନରେ ବିଜୟ ପାଇଁ ଜଣାଇଲେ ଶୁଭେଚ୍ଛା
ଭୁବନେଶ୍ୱର, ରାଜ୍ୟର ବରିଷ୍ଠ ଆଇଏସ ଓ ଆଇପିଏସ ଅଧିକାରୀ ମାନେ ରବିବାର ଦିନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଭେଟି ପଂଚାୟତ ଓ ପୌରାଂଚଳ ନିର୍ବାଚନରେ ବିପୁଳ ବିଜୟକୁ ନେଇ ଅଭିନନନ୍ଦନ ଜଣାଇଛନ୍ତି ।
ମୁଖ୍ୟମନ୍ତ୍ରୀ ଶ୍ରୀ ପଟ୍ଟନାୟକ ସେମାନଙ୍କୁ ଧନ୍ୟବାଦ ଜଣାଇବା ସହ ରାଜ୍ୟର ଓ ରାଜ୍ୟର ଜନସାଧରଣଙ୍କ ବିକାଶ ପାଇଁ ପ୍ରତିବଦ୍ଧତାର ସହ କାମ କରିବାକୁ ଆହ୍ୱାନ ଜଣାଇଛନ୍ତି । ଏହି ଅବସରରେ ମୁଖ୍ୟ ସଚିବ ସୁରେଶ ମହାପାତ୍ର, ବିକାଶ କମିଶନର ପିକେ ଜେନା ଓ ଅନ୍ୟ ବରିଷ୍ଠ ଅଧିକାରୀ ମାନେ ମଧ୍ୟ ଥିଲେ । ସେହିପରି ପୋଲିସ ମହାନିର୍ଦେଶକ ସୁନୀଲ ବଂସଲ, ଏଡିଜି ଲଳିତ ଦାସ ଓ ଅନ୍ୟ ଅଧିକାରୀ ମାନେ ମଧ୍ୟ ଉପସ୍ଥିତ ଥିଲେ ।
ସେହିପରି ଓଏସ ଆସୋସିଏସନ, ଓଡିଶା ଫାଇନାନ୍ସ ସର୍ଭିସ ଓଡିଶା ପୋଲିସ ସର୍ଭିସ, ଓଡିଶା ସେକ୍ରେଟେରିଏଟ ସର୍ଭିସ, ରେଭେନ୍ୟୁ ସର୍ଭିସ, କନେଷ୍ଟବଳ ଏବଂ ହାବିଲଦାର ଆସୋସିଏସନ, ହେଡ୍ସ ଅଫ ଡିପାର୍ଟମେଂଟ, ଅମଲା ସଂଘ, ମେଡିକାଲ ସର୍ଭିସ ଆସୋସିଏସନ, ଭେଟେନାରୀ ସର୍ଭିସ, ଓ ଅନ୍ୟ ସଂଘର ପଦାଧିକାରୀ ମାନେ ମଧ୍ୟ ମୁଖ୍ୟମନ୍ତ୍ରୀଙ୍କୁ ଶୁଭେଚ୍ଛା ଜଣାଇଥିଲେ ।
