-
ଚମ୍ପୁଆ ଏନଏସିରେ ବିଜେଡ଼ି ପୌରାଧ୍ୟକ୍ଷ ପ୍ରାର୍ଥୀ ବିଜୟୀ
-
କେନ୍ଦୁଝର ମ୍ୟୁନିସିପାଲଟିରେ ବିଜେପି ଓ ବଡ଼ବିଲରେ ପୌରାଧ୍ୟକ୍ଷ ପଦବୀ ହାତେଇଲା ବିଜେଡ଼ି
କେନ୍ଦୁଝର, ରାଜ୍ୟର ବିଭିନ୍ନ ସ୍ଥାନରେ ଆଜି ପୌର ନିର୍ବାଚନର ଭୋଟଗଣତି ସହ ଏହାର ଫଳାଫଳ ଘୋଷଣା କରାଯାଇଛି । ଏହି କ୍ରମରେ କେନ୍ଦୁଝର ଜିଲ୍ଲାର ୪ ପୌରାଚଂଳ ଓ ଗୋଟିଏ ବିଜ୍ଞାପିତ ଅଂଚଳରେ ଭୋଟ୍ ଗଣତି ହୋଇଛି । ସୂଚନା ଅନୁଯାୟୀ, ଯୋଡ଼ା ଏବଂ ଆନନ୍ଦପୁର ମ୍ୟୁନିସିପାଲଟିରେ ବିଜେଡ଼ି ପୌରାଧ୍ୟକ୍ଷ ପ୍ରାର୍ଥୀ ବିଜୟ ଲାଭ କରିଛନ୍ତି । ଯୋଡ଼ାରେ ଜଗଦିଶ ପ୍ରସାଦ ସାହୁ ଏବଂ ଆନନ୍ଦପୁରରେ ରଜନୀରାଣୀ ଖଟୁଆ ତାଙ୍କ ନିକଟତମ ପ୍ରତିଦ୍ୱନ୍ଦୀଙ୍କୁ ହରାଇ ବିଜୟୀ ହୋଇଛନ୍ତି । ସେହିପରି ଚମ୍ପୁଆ ଏନଏସିରେ ବିଜେଡ଼ିର ପୌରାଧ୍ୟକ୍ଷ ପ୍ରାର୍ଥୀ ଗିରିଜା ଶଙ୍କର ସାହୁ ବିଜୟୀ ହୋଇଛନ୍ତି ।
ଅନୁରୂପ ଭାବେ କେନ୍ଦୁଝର ମ୍ୟୁନିସିପାଲଟି ଅଧ୍ୟକ୍ଷ ପ୍ରାର୍ଥୀ ଭାବେ ବିଜେପିର ନିକୁ ସାହୁ ଏବଂ ବଡ଼ବିଲ ପୌରାଧ୍ୟକ୍ଷ ଭାବେ ବିଜେଡ଼ିର ଲକ୍ଷ୍ମଣ ମହାନ୍ତ ନିର୍ବାଚିତ ହୋଇଛନ୍ତି ।
