ମାଲକାନଗିରି, ମାଲକାନଗିରି ଜିଲ୍ଲା ସଦର ମହକୁମାରେ ଥିବା ଅଲ ଓଡିଶା ମାର୍ସଲ ଆର୍ଟ ଏକାଡେମୀରେ ତାଲିମ ନେଇ ଜିଲ୍ଲାର ବହୁ ଯୁବକ ଯୁବତୀ ରାଜ୍ୟ ତଥା ରାଜ୍ୟ ବାହାରେ ବିଭିନ୍ନ ପ୍ରତିଯୋଗିତାରେ ଭାଗନେଇ ନିଜର କଳା କୌଶଳ ପ୍ରଦର୍ଶନ କରି ବହୁ ପଦକ ଜିତି ଜିଲ୍ଲା ତଥା ରାଜ୍ୟ ପାଇଁ ଗୌରବ ଆଣିଛନ୍ତି। ଏହାକୁ ଦୃଷ୍ଟିରେ ରଖି ମାଓ ପ୍ରବଣ ଆଦିବାସୀ ବହୁଳ ଚିତ୍ରକୋଣ୍ଡା ବ୍ଳକ ସଦର ମହାକୁମାରେ ସ୍ଥାନିୟ ଅଞ୍ଚଳର ଯୁବକ ଯୁବତୀ ମାନଙ୍କୁ ମାର୍ସଲ ଆର୍ଟ ସମ୍ପର୍କରେ ତାଲିମ ଦେବା ପାଇଁ ଅଲ ଓଡିଶା ମାର୍ସଲ ଆର୍ଟ ଏକାଡେମୀ ରାଜ୍ୟ ମୁଖ୍ୟ ଯାଦୁଗର ବିନାଶ କୁମାର ମିଶ୍ର ଙ୍କ ଉଦ୍ୟମରେ ଏକ ପ୍ରଶିକ୍ଷଣ କେନ୍ଦ୍ର ଆଜି ଠାରୁ ଆରମ୍ଭ କରାଯାଇଛି। ରାଜ୍ୟ ମୁଖ୍ୟ ଶ୍ରୀ ମିଶ୍ର ଉପସ୍ଥିତ ରହି ଏହି ପ୍ରଶିକ୍ଷଣ କେନ୍ଦ୍ରର ଶୁଭାରମ୍ଭ କରିଥିଲେ।
ସ୍ଥାନୀୟ ଅଞ୍ଚଳରୁ୧ ୫ ଜଣ ଯୁବକ ପ୍ରଥମ ଦିନରେ ମାର୍ସଲ ଆର୍ଟ ର ବିଭିନ୍ନ କଳା କୌଶଳ ବିଷୟରେ ତାଲିମ ନେଇଥିଲେ। ସେମାନଙ୍କୁ ଇନ୍ଦ୍ର ଲାମା ଓ ବାବୁଗୌଡ଼ ପ୍ରଶିକ୍ଷକ ଭାବେ ଯୋଗଦେଇ ନିୟମିତ ତାଲିମ ପ୍ରଦାନ କରିବେ।
