ଉଦଳା ଏନଏସିରେ ବିଜେପି ପ୍ରାର୍ଥୀଙ୍କ ବିଜୟ

• କରଞ୍ଜିଆ ଏନଏସି, ରାଇରଙ୍ଗପୁର ମ୍ୟୁନିସିପାଲଟିରେ ବିଜେଡ଼ି ପ୍ରାର୍ଥୀଙ୍କ ବିଜୟ

• ବାରିପଦା ମ୍ୟୁନିସିପାଲଟିରେ ବିଜେଡ଼ି ପ୍ରାର୍ଥୀ ଆଗରେ

ବାରିପଦା,  ମୟୂରଭଞ୍ଜ ଜିଲ୍ଲାରେ ଆଜି ପୌର ନିର୍ବାଚନର ଭୋଟଗଣତି ଜାରୀ ରହିଛି । ଅପରାହ୍ନ ୧ଟା ସୁଦ୍ଧା ମିଳିଥିବା ସୂଚନା ଅନୁଯାୟୀ, ପୌରାଧ୍ୟକ୍ଷ ପଦବୀ ପାଇଁ ହୋଇଥିବା ଭୋଟ୍ ରେ କୋଦଳା ଏନଏସିରେ ବିଜେପି ପ୍ରାର୍ଥୀ ବିଜୟ ଲାଭ କରିଛନ୍ତି । କରଞ୍ଜିଆ ଏନଏସି ଏବଂ ରାଇରଙ୍ଗପୁର ମ୍ୟୁନିସିପାଲଟିରେ ବିଜେଡ଼ି ପ୍ରାର୍ଥୀ ବିଜୟ ଲାଭ କରିଛନ୍ତି । ରାଇରଙ୍ଗପୁର ମ୍ୟୁନିସିପାଲଟିରେ ବିଜେଡ଼ି ପ୍ରାର୍ଥୀ ଅଭିଶେକ ପଟ୍ଟନାୟକ ତାଙ୍କ ନିକଟତମ ପ୍ରତିଦ୍ୱନ୍ଦୀ ବିଜେପି ଅଧ୍ୟକ୍ଷ ପ୍ରାର୍ଥୀ ନବୀନ ରାମଙ୍କୁ ହରାଇ ବିଜୟୀ ହୋଇଛନ୍ତି । ସେହିପରି ବାରିପଦା ମ୍ୟୁନିସିପାଲଟିରେ ବିଜେଡ଼ି ପ୍ରାର୍ଥୀ କୃଷ୍ଣାନନ୍ଦ ମହାନ୍ତି ତାଙ୍କ ନିକଟତମ ପ୍ରତିଦ୍ୱନ୍ଦୀ କଂଗ୍ରେସ ପ୍ରାର୍ଥୀ ଯୋଗେଶ ଅଗ୍ରୱାଲାଙ୍କ ଠାରୁ ଆଗରେ ରହିଛନ୍ତି ।