-
ବିଜେଡି ଖୁବ ଆଗରେ, ବିଜେପି ଦ୍ୱିତୀୟ ସ୍ଥାନରେ
ଭୁବନେଶ୍ୱର, ୧୦୬ଟି ବିଜ୍ଞାପିତ ଅଂଚଳ ପରିଷଦ ଓ ମ୍ୟୁନିସିପାଲିଟି ତଥା ୩ଟି ମହାନଗର ନିଗମ ପାଇଁ ଭୋଟ ଗଣତି ଚାଲିଛି । ଭୁବନେଶ୍ୱର, କଟକ ଓ ବ୍ରହ୍ମପୁର ମହାନଗର ନିଗମରେ ବିଜେଡି ପ୍ରାର୍ଥୀ ଆଗୁଆ ରହିଥିବା ରାଜ୍ୟ ନିର୍ବାଚନ କମିଶନଙ୍କ କାର୍ଯାଳୟ ସୂତ୍ରରୁ ଜଣା ପଡିଛି ।
ସେହିପରି ଅନ୍ୟ ପୌରାଂଚଳର ଅଧ୍ୟକ୍ଷ ପଦ ପାଇଁ ଚାଲିଥିବା ଗଣତିରେ ମଧ୍ୟ ବିଜେଡି ଆଗୁଆ ରହିଛି । ବିଜେଡିର ପୌରାଂଚଳ ଅଧ୍ୟକ୍ଷ ପାର୍ଥୀ ମାନେ ୭୨ଟି ସ୍ଥାନରେ ବିଜୟୀ ରହି ସାରିଛନ୍ତି କିମ୍ବା ଆଗୁଆ ରହିଛନ୍ତି । ,ସେହିପରି ବିଜେପି ପ୍ରାର୍ଥୀ ମାନେ ୧୭ଟି ସ୍ଥାନରେ ଆଗୁଆ ରହିଥିବା ବା ବିଜୟୀ ହୋଇଥିବା ନେଇ ସୂଚନା ରହିଛି । କଂଗ୍ରେସ ପ୍ରାର୍ଥୀ ମାନେ ୭ଟି ଓ ଅନ୍ୟ ମାନେ ୯ଟି ପୌରାଂଚଳର ଅଧ୍ୟକ୍ଷ ପଦବୀ ଗଣତିରେ ବିଜୟ ଲାଭ କରିଥିବା ବା ଆଗୁଆ ରହିଥିବା ଜଣା ପଡିଛି ।
