କେନ୍ଦୁଝର, କେନ୍ଦୁଝର ଜିଲ୍ଲା ତେଲକୋଇ ବନାଚଂଳରେ ଦନ୍ତାହାତୀର ଉପଦ୍ରବ ଦେଖିବାକୁ ମିଳିଛି । ଗୋଠରୁ ଖସି ଆସିଥିବା ଏହି ଦନ୍ତାହାତୀର ଉପଦ୍ରବରେ ଲୋକେ ଭୟଭିତ ହୋଇପଡିଛନ୍ତି । ଗତକାଲି ବିଳମ୍ବିତ ରାତିରେ ହାତୀଟି ତେଲକୋଇ ରେଞ୍ଜ ବିମଳା ଫରେଷ୍ଟ ବିଟ୍ ରାଇସୁଆଁ ପଚାଂୟତ ଅନ୍ତର୍ଗତ ରାଣିବେଡା ଗାଁ ନୂଆସାହିରେ ପଶିଥିଲା । ସାହିର ଧର ମୁଣ୍ଡାଙ୍କ ଘର ଭାଙ୍ଗି ଧାନଚାଉଳ ଖାଇବା ସହ ବ୍ୟାପକ କଦଳୀ ଫସଲ ଦଳିଚକଟି ନଷ୍ଟ କରିଥିଲା । ପରେ ସାହି ଲୋକେ ଏକାଠି ହୋଇ ନିଆଁ ହୁଳା ଦେଖାଇ ହାତୀକୁ ସେଠାରୁ ଘଉଡାଇ ଦେଇଥିଲେ ।
