କୈଳାଶ ଚନ୍ଦ୍ର ପଣ୍ଡା,ପୁରୀ
ବିନା କୋଭିଡ ରିପୋର୍ଟରେ ଶ୍ରୀଜୀଉ ମାନଙ୍କ ଦର୍ଶନ ବ୍ୟବସ୍ଥା ପଦକ୍ଷେପ ଗ୍ରହଣ କରିବା ପରେ, ସିଂହଦ୍ଵାର ସମ୍ମୁଖରେ ଭକ୍ତ ମାନଙ୍କର ଗହଳି ଦିନକୁ ଦିନ ବଢିବାରେ ଲାଗିଛି l ଫଳରେ ଦିନକୁ ଦିନ ଟ୍ରାଫିକ ସମସ୍ଯା ମଧ୍ଯ ବୃଦ୍ଧି ପାଇବାରେ ଲାଗିଛି l ଏହି ସମସ୍ୟାର ସମାଧାନ ନିମନ୍ତେ ଆଜି “ଉର୍ଜାବାନ ଓଡ଼ିଶା” ପକ୍ଷରୁ ଏକ ଦାବିପତ୍ର ଜିଲ୍ଲାପାଳଙ୍କୁ ପ୍ରଦାନ କରାଯାଇଛି l ଶ୍ରୀମନ୍ଦିରର ଚାରି ଦ୍ଵାର ଭକ୍ତଙ୍କ ପାଇଁ ଖୋଲିବା ସହ ଦର୍ଶନର ସୁବ୍ୟବସ୍ଥା ପାଇଁ ତୁରନ୍ତ ପଦକ୍ଷେପ ନେବାକୁ ସଂଗଠନର ସଭାପତି ଶ୍ରୀ ସନ୍ତୋଷ କୁମାର ସେନାପତି, ସଂପାଦିକା ନିହାରିକା ତ୍ରିପାଠୀ,ଦେବେନ୍ଦ୍ର ସୁବୁଦ୍ଧି, ଗଜେନ୍ଦ୍ର ସେନାପତି, ଜଗନ୍ନାଥ ପଣ୍ଡା ପ୍ରମୁଖ ଉପସ୍ଥାପନା କରିଲେ l ଜିଲ୍ଲାପାଳ ଶ୍ରୀ ସମର୍ଥ କୁମାର ବର୍ମା ଦାବିପତ୍ର ଗ୍ରହଣ କରିବା ସହ ଆଲୋଚନା କରିଥିଲେ ଓ ଆଗାମୀ ଛତିଶା ନିଯୋଗ ବୈଠକରେ ଏହି ବିଷୟ ରେ ଆଲୋଚନା କରିବାର ପ୍ରତିଶ୍ରୁତି ସଂଗଠନର ସଦସ୍ୟ ମାନଙ୍କୁ ଦେଇଥିଲେ l
