ଭୁବନେଶ୍ୱର, ପୌର ନିର୍ବାଚନ ପାଇଁ ମତଦାନ ଚାଲିଥିବା ବେଳେ ରାଜ୍ୟର ମୁଖ୍ୟମନ୍ତ୍ରୀ ତଥା ବିଜେଡି ମୁଖ୍ୟ ନବୀନ ପଟ୍ଟନାୟକ ଓ ଅନ୍ୟ ଦଳର ନେତା ମାନେ ସେମାନଙ୍କର ମତାଧିକାର ସାବ୍ୟସ୍ତ କରିଛନ୍ତି । ସେହିପରି ନିର୍ବାଚନ ମଇଦାନରେ ଥିବା ପ୍ରାର୍ଥୀ ଓ ସରକାରୀ ଅଧିକାରୀ ମାନେ ମଧ୍ୟ ମତଦାନ କରିଛନ୍ତି ।
ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଭୁବନେଶ୍ୱର ମହାନଗର ନିଗମର ୫୩ ୱାର୍ଡରେ ଥିବା ପଲସପଲ୍ଲୀ ସ୍କୁଲରେ ନିଜର ମତାଧିକାର ସାବ୍ୟସ୍ତ କରିଛନ୍ତି । ସେହିପରି ରାଜ୍ୟ ବିଜେପି ସଭାପତି ସମୀର ମହାନ୍ତି ନିଜ ଧର୍ମପତ୍ନୀଙ୍କ ସହ ରାଜଧାନୀର ୬୦ ନମ୍ବର ୱାର୍ଡର ୬୨୦ନମ୍ବର ବୁଥରେ ମତଦାନ କରିଛନ୍ତି । ଭୁବନେଶ୍ୱରର ବିଜେଡି ମେୟର୍ ପ୍ରାର୍ଥୀ ସୁଲୋଚନା ଦାସ, କଂଗ୍ରେସ ମେୟର୍ ପ୍ରାର୍ଥୀ ମଧୁସ୍ମିତା ଆଚାର୍ଯ୍ୟ ଓ ବିଜେପିର ମେୟର୍ ପ୍ରାର୍ଥୀ ସୁନୀତି ମୁଣ୍ଡ ବି ନିଜର ମତଦାନ ଅଧିକାର ସାବ୍ୟସ୍ତ କରିଛନ୍ତି ।
କଟକର ବିଜେଡି ମେୟର୍ ପ୍ରାର୍ଥୀ ସୁବାସ ଚନ୍ଦ୍ର ସିଂହ, ବିଜେପିର ମେୟର୍ ପ୍ରାର୍ଥୀ ଶ୍ରୀତମ୍ ଦାସ ଓ କଂଗ୍ରେସ ମେୟର୍ ପ୍ରାର୍ଥୀ ଗିରିବାଳା ବେହେରା ବି ଇତିମଧ୍ୟରେ ଭୋଟ୍ ଦେଇସାରିଛନ୍ତି ।
