ବଲାଙ୍ଗିର, ବଲାଙ୍ଗୀରରେ ଆଜି ପୌର ନିର୍ବାଚନ ପାଇଁ ଚାଲିଛି ଭୋଟ ଗ୍ରହଣ । ସକାଳ ଆଠଟାରୁ ମକ ପୋଲିଂ ପରେ ଭୋଟ ଗ୍ରହଣ ଚାଲିଛି । ଏହି ଭୋଟ ଗ୍ରହଣ ପ୍ରକ୍ରିୟାରେ ବଲାଙ୍ଗୀର ବିଧାୟକ ନରସିଂହ ମିଶ୍ର ନିଜର ମତ ସାବ୍ୟସ୍ତ କରିଛନ୍ତି । ଲୋକେ ମଧ୍ୟ ଉତ୍ସାହର ସହ ମତଦାନ କରିବାକୁ ଆଗେଇ ଆସିଛନ୍ତି । ମତ ଦାନ କେନ୍ଦ୍ରରେ ସକାଳ ୮ ଟା ପୂର୍ବରୁ ଭୋଟର ମାନେ ବିଭିନ୍ନ ବୁଥ ଆଗରେ ଧାଡ଼ି ବାନ୍ଧି ଠିଆ ହୋଇଥିଲେ ନିଜ ମତ ସାବ୍ୟସ୍ତ କରିବାକୁ। ବଲାଙ୍ଗିର ମୁନିସିପାଲଟି ଅଞ୍ଚଳରେ ୨୧ ଗୋଟି ୱାର୍ଡ ର ମତଦାତା ମାନେ ଭୋଟ ଦେଉଛନ୍ତି।
ମୋଟ ୮୪ ଟି ବୁଥରେ ୩୨ ଟି ସମ୍ବେଦନଶୀଳ ୬ ଟି ଅତି ସମ୍ବେଦନଶୀଳ ୩ ଟି ପିଙ୍କ ବୁଥ ରେ ୭୮୭୨୩ ମତଦାତା ଏଠି ଭୋଟ ଦେବେ । ତେବେ ମୋଟାମୋଟି ଶାନ୍ତିପୂର୍ଣ୍ଣ ଭାବରେ ଏଠାରେ ଭୋଟ ଗ୍ରହଣ ଚାଲିଛି । ବିଧାୟକ ନରସିଂହ ମିଶ୍ର ଆଜି ସକାଳ ୮ ଟା ରେ ଲକ୍ଷ୍ମୀନାରାୟଣ ସ୍କୁଲରେ ଥିବା ୪୪ ନମ୍ବର ପୋଲିଂ ବୁଥକୁ ଯାଇ ନିଜର ମତ ସାବ୍ୟସ୍ତ କରିଛନ୍ତି । ଏହାସହ ଲୋକଙ୍କୁ ସେ ବହୁ ମାତ୍ରାରେ ଆସି ଭୋଟ ଦେବାକୁ ଅପିଲ କରିଛନ୍ତି । ତେବେ ସବୁଠି ଶାନ୍ତିପୂର୍ଣ୍ଣ ଭାବରେ ମତଦାନ ପ୍ରକ୍ରିୟା ଜାରି ରହିଛି ।
ଆଜି ବଲାଙ୍ଗିର ଜିଲ୍ଲାର ୨ ଟି ମୁନିସିପାଲଟି ଓ ୩ ଟି ବିଜ୍ଞାପିତ ଅଞ୍ଚଳ ପରିଷଦରେ ମତଦାନ ଚାଲିଛି।
