ଶ୍ରୀଜୀଉଙ୍କ ବନକଲାଗି ନୀତି

• ୪ ଘଂଟା ଭକ୍ତ ଦର୍ଶନ ବନ୍ଦ

ପୁରୀ,  ଆଜି ଅପରାହ୍ନରେ ଶ୍ରୀମନ୍ଦିରରେ ଶ୍ରୀଜୀଉ ମାନଙ୍କ ଶ୍ରୀମୁଖ ଶୃଙ୍ଗାର ଅର୍ଥାତ୍ ବନକଲାଗି ନୀତି ଅନୁଷ୍ଠିତ ହେବ । ଏଥିପାଇଁ ୪ ଘଂଟା ଭକ୍ତ ଦର୍ଶନ ବନ୍ଦ ରହିବ । ଅପରାହ୍ନ ସାଢ଼େ ୪ଟା ଠାରୁ ସାଢ଼େ ୮ଟା ମଧ୍ୟରେ ଏହି ଗୁପ୍ତ ନୀତି ଦଇତାପତିଙ୍କ ଦ୍ୱାରା ସମାପନ ହେବ ।

ବନକ ଲାଗି ଶ୍ରୀଜୀଉଙ୍କ ଏକ ଗୁପ୍ତ ନୀତି ହୋଇଥିବାରୁ ଏହି ନୀତି ସମୟରେ ଗର୍ଭଗୃହର ସମସ୍ତ ଦ୍ୱାର ବନ୍ଦ ରହିବ । ଦତ ମହାପାତ୍ର ସେବକମାନେ ଶ୍ରୀଜୀଉଙ୍କ ଏହି ଗୁପ୍ତ ନୀତି ସମ୍ପନ୍ନ କରିବେ । ବନକଲାଗି ପରେ ପରେ ମହାପ୍ରଭୁଙ୍କ ମହାସ୍ନାନ ନୀତି ଅନୁଷ୍ଠିତ ହେବ । ମହାସ୍ନାନ ପରେ ଭକ୍ତ ମାନେ ପୁଣି ଶ୍ରୀ ବିଗ୍ରହ ମାନଙ୍କ ଦର୍ଶନର ସୁଯୋଗ ପାଇପାରିବେ ।