ପୁରୀ, ଆଜି ସକାଳୁ ଗୁଳିମାଡରେ ଶ୍ରୀମନ୍ଦିର ସେବାୟତ କୃଷ୍ଣଚନ୍ଦ୍ର ପ୍ରତିହାରୀ ଓରଫ କାଳିଆ ପଢ଼ିଆରୀଙ୍କ ମୃତ୍ୟୁ ଘଟିଛି | ଦୁଇ ଜଣ ଦୁର୍ବୁତ୍ତ ମୋଟରସାଇକେଲରେ ଆସି ବାରବାଟୀ ଯାଗା ନିକଟରେ ଅତି ପାଖରୁ ତାଙ୍କୁ ଗୁଳି କରିଥିବା ଅନୁମାନ କରାଯାଉଛି | ଦୁଇଟି ଗୁଳି ମାଡ ହୋଇଥିବା ପୋଲିସ କହିଛି | ଘଟଣାସ୍ଥଳରେ ପୋଲିସ ପହଞ୍ଚି ସୁରକ୍ଷା ବ୍ୟବସ୍ଥାକୁ କଡାକଡି କରିଛି | ଏଥିପାଇଁ ଏସପିଙ୍କ ନିର୍ଦେଶରେ ଚାରୋଟି ଟିମ ଗଠନ ହୋଇଛି | ଘଟଣାସ୍ଥଳ ରେ ପୋଲିସ ଜଗି ରହିଛି | ପୂର୍ବ ଶତ୍ରୁତା କିମ୍ବା ଜାଗାବାଡିକୁ ନେଇ ଏହି ହତ୍ୟାକାଣ୍ଡ ଘଟିଥିବା ସାଧାରଣରେ ଆଲୋଚନା ହେଉଛି |
