ମାଲକାନଗିରି, ମାଲକାନଗିରି ସଦର ବ୍ଲକ ର ସିନ୍ଦ୍ରିମାଳ ଗ୍ରାମ ପଞ୍ଚାୟତରେ ନବ ନିର୍ବାଚିତ ସରପଞ୍ଚ ଘାସି ନାୟକ ଆଜି ଶପଥ ପାଠ କରି ସିନ୍ଦ୍ରିମାଳ ଗ୍ରାମ ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ ଅଶୋକ ମହାନ୍ତିଙ୍କ ଉପସ୍ଥିତିରେ ସିନ୍ଦ୍ରିମାଳ ଗ୍ରାମପଞ୍ଚାୟତ ଦାୟିତ୍ବ ଗ୍ରହଣ କରିଛନ୍ତି । ଘାସି ନାୟକ ପୂର୍ବରୁ ୨୦୦୨ ରୁ ୨୦୦୭ ଓ ୨୦୧୨ରୁ ୨୦୧୭ ରେ ଦୁଇ ଥର ସିନ୍ଦ୍ରିମାଳ ସରପଞ୍ଚ ଭାବେ ନିର୍ବାଚିତ ହୋଇଥିଲେ। ଏହି ସମୟରେ ସେ ବହୁ ଉନ୍ନତିମୂଳକ କାର୍ଯ୍ୟ କରିଥିବା ବେଳେ ପୁନର୍ବାର ଏକ ପରିବର୍ତ୍ତନର ସ୍ବର ନେଇ ମାଲକାନଗିରି ବିଜୁ ଜନତା ଦଳରେ ସାମିଲ ହୋଇ ବିଜେଡି ସମର୍ଥିତ ସରପଞ୍ଚ ପାର୍ଥି ଭାବେ ପୂର୍ବତନ ସାଂସଦ ପ୍ରଦୀପ ମାଝୀ ଓ ପୂର୍ବତନ ବିଧାୟକ ମାନସ ମାଡ଼କାମୀଙ୍କ ନିର୍ଦେଶରେ ଲୋକଙ୍କ ପାଖରେ ପହଂଚି ଲୋକଙ୍କୁ ଆକୃଷ୍ଟ କରିବାରେ ସଫଳ ହୋଇ ୪ ଜଣ ସରପଞ୍ଚ ପ୍ରାର୍ଥୀ ଙ୍କୁ ପରାସ୍ତ କରି ମୋଟ ୨୦୮ ଖଣ୍ଡ ଭୋଟ ରେ ଆଗୁଆ ରହି ବାଜି ମାରିଛନ୍ତି । ସରକାରଙ୍କ ପ୍ରତ୍ୟେକ ଜନହିତକର କାର୍ଯ୍ୟ ଗୁଡିକୁ ମୁଁ ମୋର ଅଧୀନରେ ଥିବା ପ୍ରତ୍ୟେକଟି ଗ୍ରାମରେ କିଭଳି ପହଞ୍ଚାଇବି ତା ଉପରେ ଅଧିକ ନଜର ରଖିବି ବୋଲି ମତ ପ୍ରକାଶ କରିଛନ୍ତି ସରପଞ୍ଚ ଘାସି ନାୟକ ।
ଏହି ଶପଥ ଗ୍ରହଣ ଉତ୍ସବରେ ଅନ୍ୟମାନଙ୍କ ମଧ୍ୟରେ ଉପସ୍ଥିତ ଥିଲେ ସମସ୍ତ ୱାର୍ଡ ସଭ୍ୟା ସଭ୍ୟ, ନାଏ ବ ସରପଞ୍ଚ, ପୂର୍ବତନ ଜିଲ୍ଲା ବିଜେଡି ମିଡ଼ିଆ ସଂଯୋଜକ ସଦାନନ୍ଦ ଖରା, ସମସ୍ତ ବିଜେଡି କର୍ମକାର୍ତ୍ତା, ପଞ୍ଚାୟତ ଯୋଗାଣ ସହାୟକ ରାବଣା ଦନ୍ତା କଲା ପ୍ରମୁଖ ଉପସ୍ଥିତ ଥିଲେ।
