ମାଲକାନଗିରି, ଆଜି ମାଲକାନଗିରି ମହାବିଦ୍ୟାଳୟ ପରିସରରେ ଏନସିସି , ଏନଏସଏସ ଓ ଜିଲ୍ଲା ଯୁବ ରେଡକ୍ରସ୍ ର ମିଳିତ ଆନୁକୁଲ୍ୟରେ ଏକ ସ୍ୱଚ୍ଛ ଭାରତ ଅଭିଯାନ କାର୍ଯ୍ୟକ୍ରମ ଆୟୋଜିତ କରାଯାଇଥିଲା । ଏହି କାର୍ଯ୍ୟକ୍ରମ ସକାଳ ୭ଟା ସମୟରେ ଅଶୋକ କୁମାର ଷଡଙ୍ଗୀ ଅଧ୍ୟକ୍ଷ ମାଲକାନଗିରି ମହାବିଦ୍ୟାଳୟ ଉଦଘାଟନ କରିଥିଲେ । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ରୂପେ ବି ଏସ ଏଫ୍ ଡେପୁଟି କମାଡେଣ୍ଡ ସୁଭଞ୍ଜନ ମହାପାତ୍ର ଯୋଗ ଦେଇ ସମସ୍ତ ସ୍ୱେଛାସେବୀ ମାନକୁ ସ୍ୱଚ୍ଛ ମନ ଓ ସ୍ୱଚ୍ଛ ପରିବେଶ ଗଢ଼ିବାକୁ ଉତ୍ସାହିତ କରିଥିଲେ । ଏହା ପରେ କଲେଜ ପରିସରରେ ପଡ଼ିଥିବା ଜରି , ପ୍ଲାଷ୍ଟିକ ବୋତଲ ଅଳିଆ ଶୁଖୁଲା ପତ୍ର ଓ ଆବର୍ଜନା ଆଦି ସଫା କରିଥିଲେ । ଜିଲ୍ଲା ଯୁବ ରେଡକ୍ରସ୍ ସମ୍ପାଦକ ଡଃ ରଞ୍ଜନ କୁମାର ସ୍ୱାଇଁଙ୍କ ପ୍ରତ୍ୟକ୍ଷ ତତ୍ୱାବଧାନରେ ଏହି କାର୍ଯ୍ୟକ୍ରମ କରାଯାଇଥିଲା । ଶ୍ରୀମତୀ ନମିତା ଦଣ୍ଡସେନା ଡିପି ଓ ଏନ୍ ଏସ ଏସ ଓ ପ୍ରମେୟ ମହାନ୍ତି ଯୋଜନା ଅଧୁକାରୀ ସ୍ୱେଛାସେବୀ ମାନଙ୍କୁ ଉତ୍ସାହିତ କରିବା ସହ ଆଗାମୀ ଦିନର କାର୍ଯ୍ୟ ଖସଡ଼ା ସମ୍ବନ୍ଧରେ ଆଲୋଚନା କରିଥିଲେ । ଶେଷରେ ଏନ୍ ସି ସି ର ଲେଫ୍ଟନାଂଟ ସୁଶାନ୍ତ ମାଝୀ ସଫେଇ କାର୍ଯ୍ୟକ୍ରମକୁ ତଦାରଖ କରିବା ସହ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।
