ସାଲେପୁର , ମାହାଙ୍ଗା ବ୍ଲକର ଝାଡେଶ୍ୱରପୁର ସରକାରୀ ଉଚ୍ଚ ବିଦ୍ୟାଳୟ ଝାଡେଶ୍ୱରପୁର ଏବଂ ଭଗବତୀ ବିଦ୍ୟାପୀଠ ଶୁକେଳ୍ପଶ୍ୱରରେ ୨୦୨୧ ର ପଠାଣି ସାମନ୍ତ ମେଧାବୃତି ପରୀକ୍ଷା ପାଇଁ ମୋଟ ୪୮୨ ଜଣ ଛାତ୍ର ଛାତ୍ରୀ ପରୀକ୍ଷା ଦେଇଛନ୍ତି । ଝାଡେଶ୍ୱରପୁର ସରକାରୀ ଉଚ୍ଚ ବିଦ୍ୟାଳୟରେ ଅନୁଷ୍ଠିତ ପରୀକ୍ଷା କେନ୍ଦ୍ରରେ ସମୁଦାୟ ୨୭୦ ପରୀକ୍ଷା ଦେବା ପାଇଁ ଫର୍ମ ପୂରଣ କରିଥିଲା ବେଳେ ପଞ୍ଚମ ଶ୍ରେଣୀର ମୋଟ ୨୧୫ ଜଣଙ୍କ ମଧ୍ୟରୁ ୨୦୦ ଜଣ ପରୀକ୍ଷାର୍ଥୀ ପରୀକ୍ଷା ଦେଇଥିଲେ । ସେହିପରି ଦ୍ୱିତୀୟ ସ୍ତରରେ ୯୫ ଜଣଙ୍କ ମଧ୍ୟରୁ ୫୩ ଜଣ ପରୀକ୍ଷା ଦେଇଥିଲେ । ପ୍ରଧାନଶିକ୍ଷକ ଚୌଧୁରୀ ରମାକାନ୍ତ ପ୍ରହରାଜ ପରୀକ୍ଷା ପରିଚାଳନା କରିଥିଲେ । ସେହିପରି ଭଗବତୀ ବିଦ୍ୟାପୀଠ ଶୁକ୍ଳେଶ୍ୱରରେ ପ୍ରଥମ ସ୍ତରରେ ୮୩ ଜଣ ପରୀକ୍ଷା ଦେବା ପାଇଁ ଫର୍ମ ପୂରଣ କରିଥିଲା ବେଳେ ୭୭ ଜଣ ପରୀକ୍ଷା ଦେଇଥିଲେ । ଦ୍ୱିତୀୟ ସ୍ତରରେ ୧୫୩ ଜଣଙ୍କ ମଧ୍ୟରୁ ୧୩୨ ଜଣ ପରୀକ୍ଷା ଦେଇଥିଲେ । ମାହାଙ୍ଗା ବ୍ଲକ ଶିକ୍ଷାଧିକାରୀ ଚକ୍ରଧର ବେହେରା ଗଣମାଧ୍ୟମ ସୂଚନା ଦେଇଥିଲେ । ପରୀକ୍ଷାକେନ୍ଦ୍ର ଗୁଡିକରେ ଶାନ୍ତି ଶୃଙ୍ଖଳାର ସହିତ ପିଲାମାନେ ପରୀକ୍ଷାଦେଇଥିବା ଦେଖିବାକୁ ମିଳିଥିଲା ।
