ପଟ୍ଟାମୁଣ୍ଡାଇ, ପଟ୍ଟାମୁଣ୍ଡାଇ ବ୍ଲକ ଅଢାଖଣ୍ଡ ଗ୍ରାମରେ ଏକ ୫ବର୍ଷ ର ଶିଶୁ କନ୍ୟାକୁ ଦୁଷ୍କର୍ମ ଅଭିଯୋଗ ଆସିଛି । ଏନେଇ ପଟ୍ଟାମୁଣ୍ଡାଇ ଥାନାରେ ଲିଖିତ ଅଭିଯୋଗ କରିଛନ୍ତି ପୀଡିତା ଶିଶୁକନ୍ୟା ର ବାପା । ସୂଚନା ଅନୁଯାୟୀ ୫ବର୍ଷ ର ଶିଶୁ ପୂଜା (ଛଦ୍ମ ନାମ) ଗାଁ ରେ ଖେଳୁଥିବା ସମୟରେ ଏକଲା ଥିବା ସୁଯୋଗ ନେଇ ସେଇ ଗ୍ରାମର ଅଭିଯୁକ୍ତ ଅରକ୍ଷିତ ମଳିକ ତାକୁ ଦୁଷ୍କର୍ମ କରିଥିବା ଅଭିଯୋଗ କରିଛନ୍ତି ପୂଜାର ପରିବାର ଲୋକେ । ଏହି ମାମଲା ରେ ପଟ୍ଟାମୁଣ୍ଡାଇ ପୋଲିସ ଏକ ମାମଲା ରୁଜୁ କରି ଅଭିଯୁକ୍ତ କୁ ଅଟକ ରଖି ପଚରାଉଚରା କରିବା ସହିତ ଡାକ୍ତରୀ ମାଇନା କରାଇଥିଲା । ପରେ ସତ୍ୟାସତ୍ୟ ଜଣାପଡିବା ପରେ ପୋଲିସ ଅଭିଯୁକ୍ତ କୁ ଗିରଫ କରି ବିଭିନ୍ନ ସଂଗୀନ ଦଫା ସହିତ ପୋସ୍କୋ ଆକ୍ଟ ରେ କୋର୍ଟ ଚାଲାଣ କରିଛି । ଅନ୍ୟପଟେ ଏଭଳି ଘୃଣ୍ୟ କାମକୁ ନିନ୍ଦା କରିବା ସହିତ ଦୋଷୀ ବିରୁଦ୍ଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି କରିଛନ୍ତି ସ୍ଥାନୀୟ ବାସିନ୍ଦା ।
