ବଲାଙ୍ଗିର, ବଲାଙ୍ଗିର ଏଲଏଣ୍ଡ କ୍ଲବ ପରିସରରେ ଆଦ୍ୟଶକ୍ତି ମହିଳା ସଂଗଠନ ପକ୍ଷରୁ ବିଶ୍ଵ ମହିଳା ଦିବସ ପାଳନ କରାଯାଇଛି । ସଭାନେତ୍ରି କସ୍ତୁରୀ ରଥଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ କବୟତ୍ରୀ କଥାକାର ଏଲୋରା ମିଶ୍ର ମୁଖ୍ୟ ଅତିଥି ଭାବେ ଯୋଗଦେଇ ନାରୀ ଶକ୍ତିର ସ୍ଵରୁପ ବର୍ଣ୍ଣନା କରିଥିଲେ । ନାରୀ ସର୍ବ କାର୍ଯ୍ୟରେ ଭଲ ପ୍ରଦର୍ଶନ କରୁଥିବା ବେଳେ ନାରୀ ପ୍ରତି ସାମାଜରେ ଯେପରି ସମ୍ମାନ ରହିବା କଥା ତାହାର ବ୍ୟତିକ୍ରମ ଦେଖାଯାଉଛି । କେବଳ ଜଣେ ନାରୀ ହିଁ ଘରକୁ ଘର ଭଳି ତିଆରି କରି ନିଜର ଧର୍ମ ପାଳନ କରିଥାଏ । ସମ୍ପାଦକ ମାଳତୀ ଉଦ୍ଗାତା ବିବରଣୀ ପ୍ରଦାନ କରିଥିଲେ ।
ଏହି ଉପଲକ୍ଷେ ସଂଗଠନ ପକ୍ଷରୁ ପୁଚି, ମ୍ୟୁଜିକ୍ ଚେୟାର, ମହିଳା ଓ ଛାତ୍ରୀ ବର୍ଗରେ ପୂର୍ବରୁ ଅନୁଷ୍ଠିତ ହୋଇଥିବା ବେଳେ କୁଇଜ୍ ପ୍ରତିଯୋଗିତାର କୃତୀ ପ୍ରତିଯୋଗୀଙ୍କୁ ପୁରସ୍କୃତ କରାଯାଇଥିଲା । କାର୍ଯ୍ୟକ୍ରମ କୁ କବିତା ମିଶ୍ର ସଂଯୋଜନା କରିଥିଲେ। ବିଭିନ୍ନ କାର୍ଯ୍ୟକ୍ରମ ସଂଯୋଜନା ଓ ସହଯୋଗ କରିଥିଲେ କୁସୁମ ଶତପଥୀ, ବୀଣାପାଣି ଆଚାର୍ଯ୍ଯ,ସଂଯୁକ୍ତା ମିଶ୍ର,ଡାକ୍ତର୍ ସନ୍ଧ୍ୟାରାଣୀ ପଣ୍ଡା,କବିତା ମିଶ୍ର ପ୍ରମୁଖ। ଶେଷରେ ଧନ୍ଯବାଦ୍ ଅର୍ପଣ କରିଥିଲେ ତପସ୍ଵିନୀ ପଶାୟତ । ପୂର୍ବରୁ ଆଦ୍ୟଶକ୍ତି ଦେବୀଙ୍କ ପୂଜା ଅର୍ଚନା ପରେ କାର୍ଯ୍ୟକ୍ରମ ଆରମ୍ଭ ହୋଇଥିଲା।
