-
୧୫୦ କାଠ ଗଣ୍ଡି ନେଇଯାଉଥିବା ଟ୍ରାକ୍ଟର ଜବତ
ବଲାଙ୍ଗିର, ଗତ ରାତି ପ୍ରାୟ ୧ଟା ୧୫ ମିନିଟ୍ ସମୟରେ ବଲାଙ୍ଗିର ରେଞ୍ଜ ଜଙ୍ଗଲ କର୍ମଚାରୀ ମାନେ ୧୫୦ ଲୋଡ୍ କଞ୍ଚା ଗଣ୍ଡି କାଠ ନେଇ ଯାଉଥିବା ଟ୍ରାକ୍ଟର ନଂ ଓଆରଓ୦୩-ଜି ୧୪୨୬ ଧରିଥିଲେ । ଚଢ଼ଉ ବେଳେ ଟ୍ରାକ୍ଟରରୁ ଏହି ବିପୁଳ ପରିମାଣର କାଠ ଜବତ ହୋଇଥିବା ବେଳେ ଏହି ମାମଲାର ଅଭିଯୁକ୍ତ ମାନେ ପଳାୟନ କରିବାକୁ ସକ୍ଷମ ହୋଇଥିଲେ । ବ୍ୟାସଦେବ ସାହୁ ଓ ଜେନା ରାଉତ ବନପାଳ, ଅଶୋକ ସେଠ, ରଞ୍ଜିତ କୁମ୍ଭାର ବନରକ୍ଷୀ ଓ ବଲାଙ୍ଗିର ରେଞ୍ଜ୍ ପାରା ଜଙ୍ଗଲ କର୍ମଚାରୀ ମାନେ ଏହି ଚଢ଼ଉରେ ସାମିଲ୍ ଥିଲେ। ବଲାଙ୍ଗିର ରେଞ୍ଜ ଡେପୁଟି ରେଞ୍ଜର କେଶବ କୃଷ୍ଣ ନାୟକଙ୍କ ନେତୃତ୍ବରେ ତଦନ୍ତ ଚାଲୁରହିଛି । ବଲାଙ୍ଗିର ଡିଏଫଓ ନୀତିଶ କୁମାରଙ୍କ ନିର୍ଦ୍ଦେଶ କ୍ରମେ ଚାଲିଥିବା ବନଜାତ ଦ୍ରବ୍ୟ ଧରପଗଡ଼ ଅଭିଯାନ ଯୋଗୁଁ ଚୋରା ବେପାରୀ ମାନଙ୍କ ଭିତରେ ଆତଙ୍କ ଦେଖାଦେଇଛି ।
