ଭୁବନେଶ୍ୱର, ମାର୍ଚ୍ଚ ୨୨ ରୁ ୨୪ ତାରିଖ ମଧ୍ୟରେ ହେବାକୁ ଥିବା ଉଚ୍ଚଶିକ୍ଷା ବିଭାଗର ସମସ୍ତ ପରୀକ୍ଷା ବନ୍ଦ ରହିବ । ପୌର ନିର୍ବାଚନକୁ ଦୃଷ୍ଟିରେ ରଖି ଯୁକ୍ତ ୩ ଓ ବିଶ୍ୱ ବିଦ୍ୟାଳୟ ପରୀକ୍ଷା ବନ୍ଦ ରଖିବାକୁ ନିଷ୍ପତି ନିଆଯାଇଛି । ଆସନ୍ତା ୨୪ ତାରିଖରେ ହେବାକୁ ଥିବା ପୌର ନିର୍ବାଚନ ଭୋଟିଂ ପାଇଁ କଲେଜ ଗୁଡିକରେ ପୋଲିଂ ବୁଥ୍ କରାଯିବ । ତେଣୁ ଏହି ସମୟରେ ପରୀକ୍ଷା ବନ୍ଦ ନେଇ ସବୁ ବିଶ୍ୱବିଦ୍ୟାଳୟର କୁଳପତି ଓ କଲେଜ ଅଧ୍ୟକ୍ଷମାନଙ୍କୁ ଚିଠି ଲେଖି ଜଣାଇଛି ଉଚ୍ଚଶିକ୍ଷା ବିଭାଗ । ଏହା ପୂର୍ବରୁ ନିର୍ବାଚନ ସମୟରେ ପରୀକ୍ଷା ବନ୍ଦ ରଖିବାକୁ ଉଚ୍ଚଶିକ୍ଷା ବିଭାଗକୁ ନିର୍ଦ୍ଦେଶ ଦେଇଥିଲେ ରାଜ୍ୟ ନିର୍ବାଚନ କମିଶନର ।
