ଗଞ୍ଜାମ, ଗଞ୍ଜାମ ଜିଲ୍ଲା ଖଲ୍ଲିକୋଟ ସାନଘାଟି ନିକଟରୁ ଏକ ଅଟୋ ସହ ବିପୁଳ ପରିମାଣର ଦେଶୀ ମଦ ଜବତ କରିଛି ପୋଲିସ । ଏହି ଅଟୋ ଯୋଗେ ଗୁହାରିଆପାଟରୁ କେଶପୁରକୁ ମଦ ଚୋରାଚାଲାଣ ହେଉଥିବା ଖବର ପାଇ ଖଲ୍ଲିକୋଟ ପୋଲିସ ଅଟୋଟିକୁ ଜବତ କରିବା ସହ ଏହି ଅଟୋରୁ ୧୦୦ ଲିଟର ଚୋରା ଦେଶୀ ମଦ ସହ ଚାଲାଣକାରୀଙ୍କୁ ଗିରଫ କରିଛି । ଗିରଫ ହୋଇଥିବା ବ୍ୟକ୍ତି ଜଣକ ହେଲେ ସୂର୍ଯ୍ୟ ପରିଡ଼ା । ଏ ସଂକ୍ରାନ୍ତରେ ଥାନା କେସ୍ ନଂ ୧୭/୨୨ ରେ ଏକ ମାମଲା ରୁଜ୍ଜୁ ହୋଇଥିବା ନେଇ ଥାନା ଅଧିକାରୀ ଜଗନ୍ନାଥ ମଲ୍ଲିକ ସୂଚନା ଦେଇଛନ୍ତି ।
