କୋରାଇ – ପାଣିକୋଇଲି ପୁଲିସ ଗିରଫ ନାବାଳିକା ଦୁର୍ଷ୍କମକାରୀକୁ ଆଜି କୋର୍ଟ ଚାଲାଣ କରିଛି । ଏନେଇ ହୋଇଥିବା ମାମଲା ୨୧୩/୧୯ ଦଫା ୩୭୬(ଏବି), ୫୦୬ଆଇପିସି, ଆଇଆର ଡବ୍ଳ୍ୟୁ ୦୬ ପୋସ୍କୋ ଆକ୍ଟରେ ଅଭିଯୁକ୍ତ ଲକ୍ଷ୍ମୀଧର ମଳିକଙ୍କ ପୁଅ ପୂର୍ଣ୍ଣ ଓରଫ ଛଛଳା (୪୦)କୁ କୋର୍ଟ ଚାଲାଣ କରିଛି । ପ୍ରକାଶଯେ ଗତ ଗୁରୁବାର ବଢେିଟିକର ପ୍ରାଥମିକ ବିଦ୍ୟାଳୟର ଜଣେ ଛାତ୍ରୀ ସ୍କୁଲ ଛୁଟି ହେବାରୁ ଘରକୁ ଯାଉଥିଲା । ସ୍କୁଲ ନିକଟରେ ପୂର୍ଣ୍ଣ ମଳିକଙ୍କ ଘର । ସେ ନାବାଳିକା ଜଣକୁ ସେ ଘରକୁ ଡାକିବା ପରେ ବିଭିନ୍ନ ପ୍ରଲାଭନ ଦେଖାଇ ଦୁଷ୍କର୍ମ କରିଥିଲା । ଏହାକୁ କାହାକୁ କହିଲେ ଜୀବନରୁ ମାରିଦେବାକୁ ଧମକ ଦେଇଥିଲା । ଛାତ୍ରୀ ଜଣଙ୍କ ଭୟରେ ଶୁକ୍ରବାର ସ୍କୁଲ ଯାଇନଥିଲା କି ଘରେ କିଛି କହିନଥିଲା । ପରିବାର ପକ୍ଷରୁ ତାକୁ ଦୋକାନକୁ ପଠାଇବାରୁ ସେ ସେପଟକୁ ଯିବାକୁ ଇଚ୍ଛା କରିନଥିଲା । ଫଳରେ ପରିବାର ଲୋକେ କାରଣ ଖୋଜିବାରୁ ନାବାଳିକାଟି ସମସ୍ତ କଥା କହିଥିଲା । ଏନେଇ ଳକ୍ଷ୍ମୀଧରକୁ ଖୋଜିବା ପରେ ସେ ମିଳିନଥିଲା । ଏନେଇ ଥାନାରେ ଅଭିଯୋଗ କରିବା ପରେ ପୁଲିସ ଗିରଫ କରିଥିଲା ।
