ପୁରୀ, ପର୍ଯ୍ୟଟକମାନଙ୍କ ଅଂଚଳ ଭାବେ ସ୍ୱର୍ଗଦ୍ୱାର ପରିଚିତ । ପର୍ଯ୍ୟଟକମାନେ ଏଠାରେ ଥିବା ହୋଟେଲ, ଲଜିଂ, ହଲିଡ଼େ ହୋମରେ ରହିଥାନ୍ତି । ସେହି ଅଂଚଳରେ ଥିବା ହୋଟେଲ ସ୍ୱପ୍ନପୁରୀ ନିକଟରେ ଥିବା ଡ଼୍ରେନ ଭିତରେ ଆଜି ଜଣେ ୭ ମାସ ଶିଶୁର ମୃତଦେହ ସକାଳେ ଭାସୁଥିବା ଅଂଚଳବାସୀ ଦେଖିଥିଲେ । ରାତିରେ ସେହି ଅଂଚଳ ନିଛାଟିଆ ଥିବାରୁ କୌଣସି ବ୍ୟକ୍ତି ଏହି ନାଳରେ ଶିଶୁକୁ ପିଙ୍ଗି ଦେଇଥିବା ସ୍ଥାନୀୟ ଲୋକମାନେ ଆଲୋଚନା କରୁଛନ୍ତି । ଶିଶୁଟି କାହାର, କିଏ ଆଣିଥିଲା, କିଏ ଡ଼୍ରେନରେ ଫିଙ୍ଗିଲା, ଶିଶୁଟି ସ୍ଥାନୀୟ ଅଂଚଳର ନା ଜିଲ୍ଲା ବାହାରର ତାକୁ ନେଇ ଚର୍ଚ୍ଚା ଲାଗିରହିଛି । ଏ ସମ୍ପର୍କରେ ଥାନାରେ କୌଣସି ଅଭିଯୋଗ ଖବର ଲେଖିବା ପୂର୍ବରୁ ହୋଇନଥିବା ଜଣାପଡ଼ିଛି ।
