ଗଞ୍ଜାମ, ବ୍ରହ୍ମପୁର ମହାନଗର ନିଗମ ନିର୍ବାଚନ ନେଇ ଚୂଡ଼ାନ୍ତ ଭୋଟର ତାଲିକା ପ୍ରକାଶ ପାଇବା ସହ ନିଗମର ୪୨ଟି ୱାର୍ଡ଼ର ମୋଟ୍ ୨ ଲକ୍ଷ ୫୫ ହଜାର ୩୪୨ ଜଣ ମତଦାତା ରହିଛନ୍ତି । ସେମାନଙ୍କ ମଧ୍ୟରେ ୧ ଲକ୍ଷ ୨୭ ହଜାର ୭୫୨ ଜଣ ପୁରୁଷ ମତଦାତା ରହିଥିବା ବେଳେ ୧ ଲକ୍ଷ ୨୭ ହଜାର ୫୧୭ ଜଣ ମହିଳା ଭୋଟର ରହିଛନ୍ତି । ସହରର ୪୦ ନଂ ୱାର୍ଡ଼ରେ ସର୍ବାଧିକ ୮୮୩୫ ଭୋଟର ରହିଛନ୍ତି । ସେଥିମଧ୍ୟରୁ ୪୪୨୪ ଜଣ ପୁରୁଷ ଏବଂ ୪୪୧୧ ଜଣ ମହିଳା ମତଦାତା ରହିଛନ୍ତି । ସେହିପରି ୪୧ ନଂ ୱାର୍ଡ଼ରେ ସର୍ବନିମ୍ନ ମତଦାତା ରହିଛନ୍ତି । ଏହି ୱାର୍ଡ଼ରେ ୪୨୧୬ ଜଣ ମତଦାତା ରହିଥିବା ବେଳେ ତନ୍ମଧ୍ୟରେ ୨୧୧୬ ପୁରୁଷ ଓ ୨୧୦୦ ଜଣ ମହିଳା ଭୋଟର ରହିଛନ୍ତି ।
