ଗଞ୍ଜାମ, ଗଞ୍ଜାମ ଜିଲ୍ଲାରେ ଆଜି ତ୍ରିସ୍ତରିୟ ପଚାଂୟତ ନିର୍ବାଚନର ଚତୁର୍ଥ ପର୍ଯ୍ୟାୟ ଭୋଟ୍ ଗ୍ରହଣ ଶାନ୍ତିଶୃଙ୍ଖଳାର ସହିତ ଶେଷ ହୋଇଛି । ସକାଳ ୭ଟା ଠାରୁ ଅପରାହ୍ନ ୧ଟା ପର୍ଯ୍ୟନ୍ତ ମତଦାନ ହୋଇଛି । ମଙ୍ଗଳବାର ଖଲ୍ଲିକୋଟ, ପୁରୁଷୋତମପୁର, ଜଗନ୍ନାଥପ୍ରସାଦ ଏବଂ କବିସୂର୍ଯ୍ୟନଗର ବ୍ଲକରେ ମତଦାନ ଅନୁଷ୍ଠିତ ହୋଇଯାଇଛି । ଜିଲ୍ଲାର ଏହି ୪ଟି ବ୍ଲକରେ ମୋଟ୍ ୧୨ଟି ଜିଲ୍ଲା ପରିଷଦ ଜୋନ୍ ଓ ୧୦୧ ପଚାଂୟତରେ ଭୋଟଗ୍ରହଣ କରାଯାଇଛି । ୬୩୮ ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ କରିଛନ୍ତି ଭୋଟର । ସେଥିମଧ୍ୟରୁ ଖଲ୍ଲିକୋଟ ବ୍ଲକର ୩ଟି ଜିଲ୍ଲା ପରିଷଦ ଜୋନ୍ ରେ ପ୍ରତିଦ୍ୱନ୍ଦିତା କରୁଛନ୍ତି ୧୦ ଜଣ ପ୍ରାର୍ଥୀ, ୮୬ ଜଣ ସରପଂଚ ପ୍ରାର୍ଥୀ ଏବଂ ୮୧ ଜଣ ସମିତିସଭ୍ୟ ପ୍ରାର୍ଥୀ । ସେହିପରି ପୁରୁଷୋତମପୁର ବ୍ଲକର ୩ଟି ଜିଲ୍ଲା ପରିଷଦ ଜୋନ୍ ରେ ୯ ଜଣ ଜିଲ୍ଲା ପରିଷଦ ପ୍ରାର୍ଥୀ, ୮୮ ଜଣ ସରପଂଚ ପ୍ରାର୍ଥୀ ଏବଂ ୭୮ ଜଣ ସମିତିସଭ୍ୟ ପ୍ରାର୍ଥୀ ରହିଛନ୍ତି । ଅନୁରୂପ ଭାବେ ଜଗନ୍ନାଥପ୍ରସାଦ ବ୍ଲକର ୩ଟି ଜିଲ୍ଲା ପରିଷଦ ଜୋନ୍ ରେ ୧୨ ଜଣ ପ୍ରାର୍ଥୀ, ୮୩ ଜଣ ସରପଂଚ ପ୍ରାର୍ଥୀ ଓ ୭୯ ଜଣ ସମିତିସଭ୍ୟ ପ୍ରାର୍ଥୀ ପ୍ରତିଦ୍ୱନ୍ଦିତା କରୁଛନ୍ତି । ଏହା ବ୍ୟତୀତ କବିସୂର୍ଯ୍ୟନଗର ବ୍ଲକର ୩ଟି ଜିଲ୍ଲା ପରିଷଦ ଜୋନ୍ ରେ ୧୦ ଜଣ ପ୍ରାର୍ଥୀ, ୬୦ ଜଣ ସରପଂଚ ପ୍ରାର୍ଥୀ ଏବଂ ୪୨ ଜଣ ସମିତିସଭ୍ୟ ପ୍ରାର୍ଥୀ ରହିଛନ୍ତି ।
