ମାଲକାନଗିରି, ନିର୍ବାଚନ ପୂର୍ବରୁ ସ୍ୱାଭିମାନ ଅଂଚଳରେ ମାଲକାନଗିରି ପୁଲିସକୁ ବଡ ସଫଳତା ମିଳିଛି । ମାଟିତଳୁ ମାରଣାସ୍ତ୍ର ଓ ବିପୁଳ ପରିମାଣର ବିସ୍ଫୋରକ ଜବତ କରିଛି ପୁଲିସ । ୫ଟି ବନ୍ଧୁକ, ୨ଟି ବୋମା ସହ ବିପୁଳ ପରିମାଣର ଗୁଳି ଗୋଳା ଓ ବିସ୍ଫୋରକ ସାମଗ୍ରୀ ଜବତ କରାଯାଇଛି । ଯନ୍ତ୍ରୀ ପଂଚାୟତ ଅନ୍ତର୍ଗତ ନାଡମଂଜରି ଜଙ୍ଗଲରୁ ଏସବୁ ଜବତ କରାଯାଇଛି । ବିଏସଏଫ, ଡିଭିଏଫ ଓ ଏସଓଜି ଯବାନଙ୍କ ମିଳିତ କୁମ୍ବିଂ ବେଳେ ଏହି ବିସ୍ଫୋରକ ସାମଗ୍ରୀ ଜବତ କରାଯାଇଛି । ଆସନ୍ତା ୨୪ ତାରିଖରେ ସ୍ୱାଭିମାନ ଅଂଚଳରେ ନିର୍ବାଚନ ଲାଗି ପୁଲିସ ପକ୍ଷରୁ ଅପରେସନକୁ ଜୋରଦାର କରାଯାଇଛି ।
